శుక్రవారం, 29 మార్చి 2024
  1. వార్తలు
  2. తెలుగు వార్తలు
  3. తెలుగు వార్తలు
Written By
Last Updated : బుధవారం, 31 అక్టోబరు 2018 (09:12 IST)

నా పడక గదిలో నీ నగ్నత్వం చూపిస్తే.. మీ బతుకులు బాగుచేస్తా....

జ్యోతిష్యం పేరుతో ఓ నకిలీ జ్యోతిష్యుడు వెకిలి చేష్టలకు పాల్పడ్డాడు. ఓ యువతి పట్ల అసభ్యంగా ప్రవర్తించాడు. నీ నగ్నత్వం ఒక్కసారి చూపిస్తే మీ బతుకులు బాగుచేస్తానంటూ వ్యాఖ్యానించారు. ఈ నకిలీ జ్యోతిష్యుడు బండారం తాజాగా వెలుగులోకి వచ్చింది. 
 
నెల్లూరు జిల్లా సూళ్లూరు పేట సాయినగర్‌కి చెందిన వి.శంకర్‌రావు అనే వ్యక్తి దివ్యసాయి జ్యోతిషాలయాన్ని నిర్వహిస్తున్నాడు. ఈయన బొటనవేలు, హస్త రేఖలు చూసి జాతకం చెప్పేస్తానంటూ ముమ్మరంగా ప్రచారం చేశాడు. ఈ క్రమంలో మన్నారుపోలూరుకు చెందిన ఓ వివాహిత ఆ మాటలు నమ్మింది. తమ ఆర్థిక బాధలు చెప్పుకొంది. ఆమె బాధలన్నీ శ్రద్ధగా ఆలకించిన శంకర్ రావు.. ఆమెకు ఓ సలహా ఇచ్చాడు. 
 
తాత్కాలిక ఉపశమనం కోసం కొంత సొమ్ము తెచ్చిస్తే పూజలు చేస్తానంటూ నమ్మించాడు. ఆ తర్వాత 'నీ కష్టాలన్నీ తీరాలంటే 9 రోజులు పూజ చేయాలి. అందుకోసం నగ్నంగా వీడియో తీసుకొని నాకు పంపించు. లేదంటే నా బెడ్‌రూములో నీ నగ్నత్వాన్ని చూపించు' అంటూ కోరాడు. ఆ నకిలీ జ్యోతిష్యుడి మాటల వెనుకవున్న వక్రబుద్ధిని పసిగట్టిన ఆ మహిళ అతన్ని పోలీసులకు పట్టించింది.