ఏపీ ముఖ్యమంత్రిగా చంద్రబాబు అవుతారని తెలంగాణాలో సంబరాలు.. వీడియో వైరల్
ఆంధ్రప్రదేశ్ రాష్ట్ర ముఖ్యమంత్రి నారా చంద్రబాబు నాయుడు మళ్లీ ప్రమాణ స్వీకారం చేయబోతున్నారంటూ చెప్పుకుంటూ తెలంగాణ ప్రాంతానికి చెందిన ఉపాధి హామీ కూలీలు సంబరాలు చేసుకుంటున్నారు. తాము పని చేసే ప్రాంతంలో చంద్రబాబు పాటలు పెట్టుకుని డ్యాన్స్‌లు వేస్తూ సంబరాలు చేసుకున్నారు. ఈ డ్యాన్స్‌ను వీడియో తీసిన ఇతరులు.. సోషల్ మీడియాలో షేర్ చేయడంతో అది వైరల్ అయింది.
సోషల్ మీడియాలో వైరల్ అవుతున్న వీడియో చూస్తే ఆంధ్రప్రదేశ్ రాష్ట్రంలో కూటమి అధికారంలోకి వస్తుందని నారా చంద్రబాబు నాయుడు మళ్లీ ముఖ్యమంత్రి అవుతారని తెలంగాణాలో ఒక గ్రామంలో ఉపాధి హామీ పని చూసుకుంటూ ఆనందంతో చంద్రబాబు పాట మీద డ్యాన్స్ చూస్తూ ఆనందం వ్యక్తపరిచారు. ఇపుడు ఈ వీడియో వైరల్‌గా మారింది.
కాగా, ఈ నెల 13వ తేదీన ఏపీలో అసెంబ్లీ ఎన్నికల పోలింగ్‌తో పాటు లోక్‌సభ ఎన్నికల పోలింగ్ కూడా జరిగింది. ఈ ఎన్నికల్లో అధికార వైకాపా ఒంటరిగా పోటీ చేయగా, టీడీపీ, బీజేపీ, జనసేన పార్టీలు కలిసి ఒక కూటమిగా పోటీ చేశాయి. ప్రస్తుతం వస్తున్న అంచనాల మేరకు.. జూన్ 4వ తేదీన జరిగే ఓట్ల లెక్కింపులో టీడీపీ - జనసేన - బీజేపీ కూటిమి అధికారంలోకి వస్తుందని అంచనాలు వేస్తూ, భారీగా బెట్టంగులకు పాల్పడుతున్నారు.
