విరాట్ కోహ్లీ ఖాతాలో మరో ఘనత : 10 వేల రన్స్ క్లబ్‌లోకి ఎంట్రీ!
భారత క్రికెట్ జట్టు కెప్టెన్ విరాట్ కోహ్లీ మరో ఘనతను సాధించారు. అంతర్జాతీయ వన్డేల్లో 10 వేల పరుగులు సాధించిన మూడో క్రికెటర్‌గా నిలిచాడు. ముఖ్యంగా, వన్డేల్లో మూడో స్థానంలో బ్యాటింగ్ చేసి 10 వేల పరుగులు పూర్తి చేసుకున్న రెండో బ్యాట్స్‌మెన్‌గా అవతరించడం ఇక్కడ గమనార్హం.
ఈ జాబితాలో కోహ్లీ కంటే ముందు ఆస్ట్రేలియా మాజీ కెప్టెన్ రికీ పాంటింగ్ ఉన్నాడు. 330 ఇన్నింగ్స్‌లలో మూడో స్థానంలో బరిలోకి దిగిన పాంటింగ్ 12,662 పరుగులు చేశాడు. అయితే, కోహ్లీ మాత్రం ఈ ఫీట్ను 190 ఇన్నింగ్స్‌లలోనే అధికమించాడు. శనివారం జరిగిన వన్డేలో 66 పరుగులు చేసిన కోహ్లీ.. ఈ ఫీట్ను సాధించాడు.
కాగా, ఈ జాబితాలో శ్రీలంక మాజీ కెప్టెన్ కుమార సంగక్కర మూడో స్థానంలో ఉన్నాడు. 238 ఇన్నింగ్స్ లలో సంగక్కర 9,747 పరుగులు చేశాడు. 7,774 పరుగులతో దక్షిణాఫ్రికా మాజీ బ్యాట్స్‌మెన్ జాక్వెస్ కల్లిస్ ఉన్నాడు. రికీ పాంటింగ్ రికార్డును అధిగమించడానికి కోహ్లీకి మరెంతో కాలం పట్టదని క్రీడా విశ్లేషకులు అంచనా వేస్తున్నారు.
