షాకింగ్ ఘటన.... యూట్యూబ్ చూస్తూ 11 యేళ్ల బాలుడు ఆత్మహత్య
ఉత్తరప్రదేశ్ రాష్ట్రంలో షాకింగ్ ఘటన జరిగింది. ఇంట్లో ఎవరూ లేని సమయంలో 11 యేళ్ల బాలుడు యూట్యూబ్ చూస్తూ ఆత్మహత్యకు పాల్పడ్డాడు. తాజాగా వెలుగులోకి వచ్చిన ఈ వివరాలను పరిశీలిస్తే, యూపీలోని హమీర్‌పూర్ పోలీస్ స్టేషన్ పరిధికి చెందిన ఓ బాలుడు.. ఆత్మహత్య చేసుకోవాలని నిర్ణయించుకున్నాడు. ఇందుకోసం ఎలా చనిపోవాలన్న అంశంపై యూట్యూబ్ వీడియోలు చూసి బలవన్మరణానికి పాల్పడ్డాడు.
మృతుడిని నిఖిల్‌ సాహూగా గుర్తించారు. ఆరో తరగతి విద్యార్థి. గురువారం మధ్యాహ్నం ఇంట్లో ఎవరూ లేని సమయంలో ఈ దారుణానికి పాల్పడ్డాడు. ఇందుకోసం "వేస్ టు డై" అనే వీడియోను చూసి ఆత్మహత్య చేసుకున్నాడు. బాలుడి అత్మహత్య అనే విషయమని పోలీస్ విచారణలో వెల్లడైందని తెలిపారు. అయితే, ఈ దారుణానికి పాల్పడటానికి కారణాలు తెలియరాలేదని పోలీసులు వెల్లడించారు.
ఎముకలోని మూలుగు కోసం రద్దయిన పెళ్లి....ఎక్కడ?
హాస్య నటుడు వేణు దర్శకత్వంలో వచ్చిన చిత్రం "బలగం". ఈ చిత్రంలో ఎముక మూలుగు కోసం బావ బామ్మర్ధులు గొడవపడతారు. అచ్చం అలాగే, బొక్క మూలుగు (గుజ్జు) కోసం గొడవ జరిగింది. దీంతో ఏకంగా పెళ్ళిని రద్దు చేసుకున్నారు. తెలంగాణ రాష్ట్రంలోని జగిత్యాల జిల్లా మెట్‌పల్లి మండలంలో వెలుగు చూసింది.
ఈ మండలానికి చెందిన ఓ యువతీయువకుడికి వివాహం చేయాలని పెద్దలు నిర్ణయించారు. కట్నకానుకలు సైతం మాట్లాడుకున్నారు. నవంబరు మొదటి వారంలో నిశ్చితార్థం జరిగింది. ఆ సందర్భంగా యువతి ఇంట్లో మాంసాహారంతో విందు భోజనం ఏర్పాటు చేశారు.
ఈ విందుకు వచ్చిన వరుడు తరపు బంధువులు మూలుగు బక్క కావాలని అడగడంతో ఇరు వర్గాల మధ్య గొడవ మొదలైంది. గొడవ పెద్దదై చివరికి పోలీస్ స్టేషన్ వరకు వెళ్లింది. ఆ తర్వాత ఇరు వర్గాలు శాంతించినప్పటికీ ఈ పెళ్లి సంబంధం మాత్రం రద్దు అయింది. ఈ విషయం స్థానికంగా సంచలనం సృష్టించినప్పటికీ ఆలస్యంగా వెలుగులోకి రావడంతో చర్చనీయాంశంగా మారింది.
