పెళ్లికొడుకు వెక్కి వెక్కి ఏడుస్తూ తాళికట్టాడు.. ఎందుకో తెలుసా?
బీహార్‌లో ఓ పెళ్లికొడుకు వెక్కి వెక్కి ఏడుస్తూ.. తాళికట్టాడు. ఎందుకంటే.. అతనిని కిడ్నాప్ చేసి బలవంతంగా తాళి కట్టించారు. వివరాల్లోకి వెళితే.. బీహార్‌లో ఓ ఇంజినీర్‌ను తుపాకీతో బెదిరించి కిడ్నాప్ చేసి..
బీహార్‌లో ఓ పెళ్లికొడుకు వెక్కి వెక్కి ఏడుస్తూ.. తాళికట్టాడు. ఎందుకంటే.. అతనిని కిడ్నాప్ చేసి బలవంతంగా తాళి కట్టించారు. వివరాల్లోకి వెళితే.. బీహార్‌లో ఓ ఇంజినీర్‌ను తుపాకీతో బెదిరించి కిడ్నాప్ చేసి.. ఓ అమ్మాయితో బలవంతంగా పెళ్లి చేయించారు. స్టీల్ ప్లాంట్‌లో పని చేసే వినోద్ కుమార్‌ను వేడుకకు రావాలంటూ సురేంద్ర యాదవ్ అనే వ్యక్తి ఆహ్వానించాడు. అనుకున్నట్టుగానే పెళ్లికి వినోద్ కుమార్ అటెండయ్యాడు.
ఆ వెంటనే వినోద్‌ను తమ ఇంటికి బలవంతంగా తీసుకెళ్లిన సురేంద్ర.. తన చెల్లెలిని వివాహం చేసుకోవాలంటే బలవంత పెట్టాడు. కాదు కూడదంటే చంపేస్తానని తుపాకీతో గురిపెట్టాడు. తనను విడిచి పెట్టాలని వినోద్ ఎంత వేడుకున్నా.. ఎవరూ పట్టించుకోలేదు.
తలపై తుపాకి పెట్టి మరీ బెదిరించడంతో.. విధిలేని పరిస్థితుల్లో వినోద్ తాళి కట్టాడు. ఇది జరుగుతున్నంత సేపూ అతను ఏడుస్తూనే ఉన్నా.. చుట్టుపక్కల ఉన్నవాళ్లు ఏమాత్రం పట్టించుకోలేదు. బాధిత కుటుంబ సభ్యుల ఫిర్యాదుతో పోలీసులు కేసు దర్యాప్తు చేస్తున్నారు.
