రోడ్డుపై ఆవులు.. టూవీలర్‌పై వచ్చిన వ్యక్తిపై ఎక్కి దిగిన బస్సు.. ఎక్కడ?
రోడ్డు ప్రమాదాలు దారుణంగా జరుగుతున్నాయి. అతి వేగంతో రోజుకు లెక్కలేనన్ని ప్రమాదాలు జరుగుతున్నాయి. కొన్ని అనూహ్యంగా జరుగుతూ మానవుల ప్రాణాలను బలి తీసుకుంటున్నాయి. అలాంటి ఘటనే ప్రస్తుతం తమిళనాడు, తిరునెల్వేలిలో చోటుచేసుకుంది.
తిరునెల్వేలి రోడ్డుపై ఆవులు కొమ్ములతో కొట్లాడుకున్నాయి. ఈ ఆవుల కొట్లాటలో ఓ కోర్టులో పనిచేసే ఉద్యోగి ప్రాణాలు కోల్పోయాడు. టూవీలర్‌పై వస్తున్న వేలాయుధం అనే కోర్టు ఎంప్లాయ్‌ను ఆవులు కొమ్ములతో కిందకు తోశాయి.
అయితే ఎదురుగా వచ్చిన బస్సు చక్రాలు వేలాయుధంపై ఎక్కి దిగాయి. ఈ ఘోరమైన ఘటనలో వేలాయుధం తీవ్రగాయాలతో అక్కడికక్కడే మరణించాడు.
ఈ ఘటనపై పోలీసులు కేసు నమోదు చేసుకుని దర్యాప్తు జరుపుతున్నారు. ఈ ఘటనకు సంబంధించిన వీడియో నెట్టింట వైరల్ అవుతోంది.
