సోదరుడు స్నేహితుడితో పార్కుకు వెళ్ళిన యువతిపై గ్యాంగ్ రేప్

ఢిల్లీ నగర శివారు ప్రాంతమైన నోయిడాలో ఓ యువతిపై సామూహిక అత్యాచారం జరిగింది. సోదరుడు స్నేహితుడే కదాని పార్కుకు వెళితే ఈ దారుణం జరిగింది. తొలుత పార్కు తీసుకెళ్లిన యువకుడే అత్యాచారయత్నానికి ప్రయత్నించాడు. ఈ విషయం గమనించిన నలుగురు వ్యక్తులు... ఆమెను రక్షించినట్టుగా వచ్చి సామూహిక అత్యాచానికి తెగబడ్డారు. 

తాజాగా వెలుగులోకి వచ్చిన ఈ వివరాలను పరిశీలిస్తే, నోయిడాకు చెందిన 21 యేళ్ళ యువతి డిగ్రీ పూర్తి చేసింది. ఏదో ఒక ఉద్యోగం చేసి కుటుంబానికి అండగా నిలబడాలని భావించింది. ఇందుకోసం ఉద్యోగ అన్వేషణ చేపట్టింది. 

ఈ నేపథ్యంలో ఆమె ఉద్యోగాన్వేషణలో ఉండగా తన సోదరుడికి పరిచయమున్న వ్యక్తి ఉద్యోగం ఇప్పిస్తానని చెప్పి పార్కుకు రమ్మన్నాడు. అతని మాటలు నమ్మి అక్కడకు వెళ్లింది. అక్కడ ఆ యువతిపై లైంగిక దాడికి యత్నించాడు. 

ఆ సమయంలో పార్కులో ఉన్న ఐదుగురు వ్యక్తులు అతడిని కొట్టి, ఆమెను రక్షించినట్టుగా నటించి.. ఆపై సామూహిక అత్యాచారానికి పాల్పడ్డారు. ఆ కామాంధుల చెర నుంచి తప్పించుకున్న ఆ యువతి.. నేరుగా పోలీస్ స్టేషన్‌కు వెళ్లి ఫిర్యాదు చేసింది. దీనిపై కేసు నమోదు చేసిన పోలీసులు... నలుగురు నిందితులను అరెస్టు చేశారు. పరారీలో ఉన్న మరో ఇద్దరు నిందితుల కోసం గాలిస్తున్నారు.