చంద్రయాన్-3పై ఆశలు నీరుగారినట్లే.. ఇస్రో శాస్త్రవేత్తలు
చంద్రయాన్-3పై ఇస్రో శాస్త్రవేత్తలు ఆశలు వదిలేసుకున్నారు. స్లీపింగ్ మోడ్‌లో వున్న విక్రమ్ ల్యాండర్ ప్రజ్ఞాన్ రోవర్‌ను మేల్కొలిపారు. అయినా విక్రమ్ ల్యాండర్‌ను నిద్రలేపి పనిచేయించడం సాధ్యం కాదనే నిర్ణయానికి ఇస్రో వచ్చేసినట్లు తెలుస్తోంది.
జాబిల్లిపై కాలుమోపి 14 రోజులపాటు పరిశోధనలు చేసి విలువైన సమాచారాన్ని సేకరించిన ఇవి రెండూ చంద్రుడిపై రాత్రి సమయం కావడంతో స్లీపింగ్ మోడ్‌లోకి వెళ్ళిపోయాయి. తిరిగి గత నెల 22న చంద్రుడిపై సూర్యోదయం కావడంతో వాటిని మళ్లీ నిద్రలేపి ప్రయోగాలకు పురమాయించాలని శాస్త్రవేత్తలు భావించారు.
అప్పటి నుంచి వాటికి సిగ్నల్స్ పంపుతున్నా స్పందించడం లేదు. దీంతో విక్రమ్‌లో చలనం లేకపోవడంతో ఇస్రో శాస్త్రవేత్తలు దానిపై ఆశలు వదిలేసుకున్నారు.
నిజానికి అవి ఇప్పటికే మేల్కొనాల్సి ఉందని, కానీ ఆ పని జరగలేదంటే అవి ఇక నిద్రాణ స్థితి నుంచి బయటకు రావడం దాదాపు అసాధ్యమని ఇస్రో మాజీ చైర్మన్ ఏఎస్ కిరణ్ కుమార్ స్పష్టం చేశారు.
