ఆధార్ కార్డులో దొర్లిన తప్పులకు ఉచితంగా మార్పులు, చేర్పులు చేసుకునేందుకు నిర్ణయించిన గడువు జూన్ 14వ తేదీ బుధవారంతో ముగియనుంది. యూనిక్ ఐడెంటిఫికేషన్ అథారిటీ ఆఫ్ ఇండియా(యూఐడీఏఐ) నిబంధనల ప్రకారం ప్రతి పదేళ్లకోసారి ఆధార్ అప్డేట్ చేసుకోవాల్సి ఉంటుంది. ఈ క్రమంలో ఆధార్ వివరాలను ఉచితంగా అప్డేట్ చేసుకునే వెసులుబాటును ఉడాయ్ కల్పించింది. మై ఆధార్ పోర్టల్ ద్వారా ఈ సుదపాయాన్ని అందుబాటులోకి తీసుకొచ్చారు. మార్చి 15వ తేదీ నుంచి ఇది అందుబాటులో ఉంది. అయితే, ఈ ఫ్రీ అప్డేట్ గడువు జూన్ 14వ తేదీతో ముగియనుంది. ఈ గడువు ముగిసిన తర్వాత వినియోగదారులు ఆధార్ అప్డేట్ కోసం రూ.50 రుసుం చెల్లించాల్సివుంటుంది. https://myaadhaar.uidai.gov.in పోర్టల్లోకి వెళ్ళి లాగిన్ కావడం ద్వారా రిజిస్టర్ మొబైల్ నంబర్ సాయంతో లాగిన్ కావాల్సి ఉంటుంది అయితే, మార్పులు, చేర్పులకు సంబంధించిన నిర్ధేశిత పత్రాలు జతచేయాల్సి ఉంటుంది.
