శివ్ నారాయణ్ జ్యువెలర్స్ రూపొందించిన 'శ్రీ అనంత పద్మనాభస్వామి'ని ఆవిష్కరించిన శ్రీమతి సుధా రెడ్డి
శివ్ నారాయణ్ జ్యువెలర్స్ తమ తాజా కళాఖండం 'శ్రీ అనంత్ పద్మనాభస్వామి' ప్రతిమను హైదరాబాద్‌లో ప్రత్యేకంగా ఆవిష్కరించింది. ప్రముఖ పారిశ్రామికవేత్త, మహోన్నత దాత మరియు స్టైల్ ఐకాన్ శ్రీమతి సుధా రెడ్డి, హైదరాబాద్‌లోని తమ నివాసంలో ఈ కార్యక్రమాన్ని నిర్వహించారు. కళాత్మక వైభవం, నైపుణ్యంతో కూడిన పనితనం, గొప్ప సాంస్కృతిక వారసత్వం యొక్క వేడుకగా ఈ కార్యక్రమం నిలిచింది. ఈ మాస్టర్ పీస్‌ను ఇండియా ఇంటర్నేషనల్ జ్యువెలరీ షో (IIJS) 2023లో అధికారికంగా విడుదల చేయగా, అక్కడ ఇది అందరి దృష్టిని ఆకర్షించింది.
శివ్ నారాయణ్ జ్యువెలర్స్ ప్రైవేట్ లిమిటెడ్ మేనేజింగ్ డైరెక్టర్ తుషార్ అగర్వాల్ ఈ మైలురాయిని చేరుకున్నందుకు తన ఆనందం వ్యక్తీకరించారు. శ్రీమతి సుధా రెడ్డికి తన హృదయపూర్వక కృతజ్ఞతలు వెల్లడించారు. ఈ సందర్భంగా ఆయన మాట్లాడుతూ, "శ్రీ అనంత పద్మనాభస్వామి' ప్రతిమ సృష్టి మా బృందం యొక్క అంకితభావం మరియు అభిరుచికి సంబంధించినది, ముఖ్యంగా ఈ కళాఖండం మా కళాకారుల కళాత్మక నైపుణ్యాన్ని ప్రతిబింబించడమే కాకుండా మన సంస్కృతి యొక్క గొప్ప ఆధ్యాత్మిక వారసత్వాన్ని ప్రతిబింబిస్తుంది. ఈ అసాధారణ సృష్టిని ఆవిష్కరించిన శ్రీమతి సుధా రెడ్డి గారికి కృతజ్ఞతలు తెలియజేస్తున్నాము" అని అన్నారు.
ఈ కార్యక్రమం కళ, సంస్కృతి- విలాసవంతమైన కలయికగా గుర్తించబడింది. అతిథులు శ్రీ అనంత పద్మనాభస్వామి యొక్క అందాన్ని చూసి మంత్రముగ్ధులయ్యారు. కేరళలోని తిరువనంతపురంలోని ప్రతిష్టాత్మక శ్రీ అనంత పద్మనాభస్వామి ఆలయంలో ప్రతిష్టించబడిన దివ్య విగ్రహం నుండి ప్రేరణ పొందిన ఈ ఆభరణం సూక్ష్మమైన అంశాలను సైతం విశేషమైన ఖచ్చితత్వంతో ఒడిసిపట్టింది. యోగ నిద్ర స్థితిలో ఉన్న మహా విష్ణువు, జ్యోతిర్లింగంపై ఆయన చేయి శివుడిని సూచిస్తే, విష్ణువు నాభి నుండి ఉద్భవించి కమలం పైన బ్రహ్మ దేవుడు కూర్చున్నట్లుగా తీర్చిదిద్దిన ఈ ప్రతిమ పురాతన భారతీయ గ్రంథాలకు ఉత్కృష్టమైన ప్రాతినిధ్యం వహిస్తుంది.
శ్రీ అనంత పద్మనాభస్వామి ఆభరణం 8 అంగుళాల ఎత్తు మరియు 18 అంగుళాల పొడవు కలిగి ఉంటుంది. 2 నెలల పాటు 32 మంది ప్రతిరోజూ 16 గంటలు పని చేసి చేతితో తయారు చేసిన ఈ పారాగాన్ ఆభరణం ఆశ్చర్యపరిచే విధంగా 2.8 కిలోల బరువు వుంది. మొత్తం 500 క్యారెట్ల బరువు కలిగిన దాదాపు 75,000 అధిక-నాణ్యత కలిగిన వజ్రాలతో అలంకరించబడిన శ్రీ అనంత పద్మనాభస్వామి రూపు చూడతగ్గ రీతిలో ఉంటుంది. ఈ సంచలనాత్మక సృష్టితో తమ 9వ గిన్నిస్ వరల్డ్ రికార్డ్స్ టైటిల్స్‌కు చేరువయ్యారు. చైర్మన్- శ్రీ కమల్ కిషోర్ అగర్వాల్ మరియు మేనేజింగ్ డైరెక్టర్, శ్రీ తుషార్ అగర్వాల్ మార్గదర్శకత్వంలో రూపొందించబడిన ఈ ఆభరణం మానవ సృజనాత్మకత యొక్క ప్రకాశం మరియు లగ్జరీ ఆభరణాల యొక్క కాలానుగుణ ఆకర్షణకు నిజమైన నిదర్శనం.
