మెగాస్టార్ చిరంజీవి విశ్వంభర చిత్రం టీజర్ క్రేజ్ తెప్పించిందా?
మెగాస్టార్ చిరంజీవి తాజా సినిమా విశ్వంభర చిత్రం టీజర్ దసరానాడు విడుదలైంది. సంక్రాంతికి సినిమా విడుదల అని ముందు ప్రకటించినా వాయిదా పడడంతో టీజర్ చూశాక ఇది పూర్తిగా గ్రాఫిక్స్, విజువల్ ఎఫెక్ట్ పై ఆధారపడి వున్న సినిమా అర్తమైంది. మెగాస్టార్ శ్వేత గుర్రంపై చీకటిని ఛేదించుకుంటూ రావడం టెక్నికల్ షాట్ బాగుంది. టీజర్ మొదట్లోనే అవతార్ తరహా షాట్స్ కనిపించాయి. ఇదంతా విశ్వంలో జరిగే చెడు, మంచిలపై యుద్ధంగా కథ అనిపిస్తుంది.
అయితే ఈ టీజర్ విడుదలయ్యాక 25 మిలియన్ వ్యూస్ యూట్యూబ్ ద్వారా వచ్చాయి. కానీ సినిమాపై పెద్ద బజ్ రాలేదు. కారణం మార్కెట్ కాకపోవడమే, ఇది ముందుగానే తెలిసిన నిర్మాతలు సినిమాను వాయిదా వేసుకోవాల్సిన పరిస్థితి వచ్చిందని ట్రేడ్ వర్గాలు తెలియజేస్తున్నాయి. భోళాశంకర్ వంటి డిజాస్టర్ సినిమా తర్వాత చిరంజీవి నటించడం అనేది క్రేజ్ వచ్చినా, టీజర్ షాట్ లో ఎక్కడా ఎగ్జయిట్ మెంట్ అంశాలు కనిపించలేదు. దర్శకుడు వశిష్ట హాలీవుడ్ సినిమా స్పూర్తిగా తీసుకుని సినిమా చేసివుంటాడని వార్తలు కూడా వినిపిస్తున్నాయి. ఏది ఏమైనా మార్కెట్ పెద్దగా కాకపోవడంతో సమ్మర్ కు వెళ్ళాలని, అందుకు బదులుగా సంక్రాంతికి రామ్ చరణ్ గేమ్ ఛేంజర్ వచ్చేలా ప్లాన్ చేసినట్లు సిని వర్గాలు తెలియజేస్తున్నాయి.
