అనుష్కతో పెళ్ళా... అవన్నీ ఉత్తుత్తివే.. ''సాహో'' తర్వాత ఆలోచిస్తా!: ప్రభాస్
బాహుబలిలో టైటిల్ పాత్ర పోషించిన ప్రభాస్.. టాలీవుడ్‌లో మోస్ట్ ఎలిజబుల్ బ్యాచిలర్ అనే సంగతి తెలిసిందే. బాహుబలి సినిమా పూర్తయ్యాక ప్రభాస్ ఓ ఇంటివాడవుతాడని అందరూ అనుకున్నారు. కానీ బాహుబలి2 రిలీజై వంద రోజు
బాహుబలిలో టైటిల్ పాత్ర పోషించిన ప్రభాస్.. టాలీవుడ్‌లో మోస్ట్ ఎలిజబుల్ బ్యాచిలర్ అనే సంగతి తెలిసిందే. బాహుబలి సినిమా పూర్తయ్యాక ప్రభాస్ ఓ ఇంటివాడవుతాడని అందరూ అనుకున్నారు. కానీ బాహుబలి2 రిలీజై వంద రోజులు పూర్తైనా ప్రభాస్ పెళ్ళిపై కచ్చితమైన ప్రకటన లేదు. ఇంతలో బాహుబలి దేవసేననే నిజ జీవితంలోనూ ప్రభాస్ పెళ్లి చేసుకుంటాడని జోరుగా ప్రచారం సాగింది. ఈ వార్తల్లో నిజం లేదని ప్రస్తుతం ప్రభాస్ క్లారిటీ ఇచ్చారు.
అంతేకాదు.. తనకు విదేశాల్లో తాను పెళ్ళిచూపులకు హాజరవుతున్నట్లు వస్తున్న వార్తల్లోనూ నిజం లేదని ప్రభాస్ స్పష్టం చేశారు. ఇంకా అనుష్కతో పెళ్లిపై ప్రభాస్ ఇలా అన్నారు. అనుష్క కూడా ప్రభాస్‌తో పెళ్ళిలేదని ఇటీవల చెప్పేసిన తరుణంలో ప్రభాస్ కూడా ఆమెతో వివాహం లేదన్నారు. ఒక హీరో, ఒక హీరోయిన్ వరుసగా రెండు, మూడు సినిమాలు చేస్తే ఇలాంటి రూమర్లు రావడం సహజమేనని చెప్పుకొచ్చారు.
ఎలాంటి ఆధారాలు లేకుండా ఇలాంటి వదంతులను నమ్మొద్దన్నారు. ఈ రూమర్స్ మొదట్లో తనకి ఇబ్బంది కలిగించినా.. ఆ తర్వాత వాటిని గురించి పట్టించుకోవడం మానేశానని ప్రభాస్ తెలిపారు. ప్రస్తుతం తన దృష్టి ''సాహో" సినిమాపైనే ఉందనీ, ఆ సినిమా పూర్తయ్యాక పెళ్లి గురించి ఆలోచిస్తానని ప్రభాస్ వెల్లడించారు.
