సమంత వల్లనే వరుణ్-లావణ్య పెళ్లి జరిగిందట
వరుణ్ తేజ్- లావణ్య త్రిపాఠిల ప్రేమ పెళ్లి తెలిసిందే. వీరిద్దరి ప్రేమకు పెద్దలు అంగీకారం తెలిపి ఘనంగా వివాహం జరిపించారు. ఆ ఫోటోలు సోషల్ మీడియాలో విపరీతంగా షేర్ అవుతున్నాయి. అభిమానులు వారికి శుభాకాంక్షలు చెబుతున్నారు.
ఇక అసలు విషయానికి వస్తే.. తాజాగా వీరి పెళ్లికి సంబంధించి ఓ వార్త హల్చల్ చేస్తోంది. అదేంటయా అంటే.. వీరి ప్రేమకు కారణం సమంత అంట. సమంత కారణం ఎలాగ అనుకుంటున్నారు కదా. వరుణ్ తేజ్ నటించిన మిస్టర్ చిత్రంలో హీరోయిన్ పాత్రకు దర్శకుడు శ్రీను వైట్ల తొలుత సమంతను అనుకున్నారట. ఆ ప్రకారంగా కథను సమంతకి వినిపించగా.. ఆ పాత్రలో తను నటించనని తిరస్కరించిందట. దాంతో శ్రీను వైట్ల మరో హీరోయిన్ కోసం వెతికారట.
అలా వెతికే క్రమంలో లావణ్య త్రిపాఠి తన పాత్రకి చక్కగా సరిపోతుందనిపించి ఆమెకి స్టోరీ వినిపించాడట. ఆ పాత్రలో తను నటించడానికి ఓకే చెప్పిందట లావణ్య. అలా వరుణ్ తేజ్ పక్కన ఆమె ఆ చిత్రంలో నటించడంతో వారిరువురు మధ్య ప్రేమ చిగురించి పెళ్లి దాకా వచ్చిందని అంటున్నారు. కనుక ఆరోజు సమంత కనుక ఆ పాత్రలో నటించిందేకు అంగీకరించి వుంటే వరుణ్ తేజ్ లావణ్యను చూసే అవకాశం వుండేది కాదనీ, వారి పెళ్లి కూడా జరిగేది కాదేమోనని నెటిజన్లు చర్చించుకుంటున్నారు.
