చైతూ కంటే కొంచెం తక్కువ.. సాయిపల్లవి డిమాండ్ ఎంత?
గీతా ఆర్ట్స్ బ్యానర్‌పై నాగ చైతన్య ఓ సినిమా చేయనున్నాడు. అతనికి జోడీగా సాయి పల్లవి కన్ఫర్మ్ అయింది. అయితే ఈ సినిమా కోసం సాయి పల్లవి ఎంత పారితోషికం తీసుకుంటుందనేది ప్రస్తుతం ఫిలిమ్ నగర్ వర్గాల్లో హాట్ టాపిక్‌గా మారింది.
ఈ చిత్రాన్ని దర్శకుడు చందు మొండేటి డైరెక్ట్ చేయబోతున్నాడు. ఈ సినిమాలో నాగ చైతన్య జాలరి పాత్రలో కనిపించబోతున్నాడని సమాచారం. ఇందుకోసం చైతూ నేరుగా రంగంలోకి దిగి మత్స్యకారులకు సంబంధించిన విషయాలను ప్రాక్టికల్‌గా నేర్చుకున్నాడు. ఇంకా ఈ పాత్ర కోసం చాలా హోమ్‌వర్క్ కూడా చేశాడు.
నాగ చైతన్య-సాయి పల్లవి కాంబినేషన్‌లో వస్తున్న రెండో సినిమా ఇది. శేఖర్ కమ్ముల దర్శకత్వంలో వీరిద్దరూ నటించిన లవ్ స్టోరీ సినిమా ఎంతటి విజయం సాధించిందో మనకు తెలిసిందే.
ఈ నేపథ్యంలో ఈ సినిమాలో నటించేందుకు సాయి పల్లవి భారీ రెమ్యూనరేషన్ డిమాండ్ చేస్తోందని వార్తలు వస్తున్నాయి. సాయి పల్లవి ఐదు కోట్ల రూపాయల రెమ్యూనరేషన్ డిమాండ్ చేసిందని టాక్. సాయి పల్లవి కెరీర్‌లో ఇదే అత్యధిక పారితోషికం. ఈ సినిమాకు గాను నాగ చైతన్య కేవలం ఏడు కోట్ల రూపాయల రెమ్యూనరేషన్ అందుకున్నాడు.
