లైగ‌ర్ నుంచి కొత్త అప్‌డేట్ రాబోతోంది

Written By: డీవీ

Updated: Wed, 27 Jul 2022 (18:56 IST)

Vijay Deverakonda, Ramyakrishna

విజయ్ దేవరకొండ, పూరీ జగన్నాధ్ పాన్ ఇండియా మూవీ 'లైగర్' ''(సాలా క్రాస్‌బ్రీడ్) ట్రైలర్‌కు కనీవిని ఎరుగని రీతిలో రెస్సాన్స్ వ‌చ్చింది. అన్ని ప్రాంతాల‌ను ప‌ర్య‌టించి ట్రైల‌ర్ గురించి సినిమా గురించి చిత్ర యూనిట్ మాట్లాడింది. ఆ ట్రైల‌ర్‌లో విజయ్ దేవరకొండకు త‌ల్లిగా న‌టించిన ర‌మ్య‌కృష్ణ `అరె` అనే డైలాగ్‌కు మంచి స్పంద‌న వ‌చ్చింది. త‌న కొడుకును అత్యున్న‌త స్థాయిలో చూడాల‌న్న ఆమె కోరిక ఇందులో క‌నిపిస్తుంది.

ఇప్పుడు తాజాగా ఓ స్టిల్‌ను చిత్ర యూనిట్ విడుద‌ల చేసింది. స‌ముద్ర‌పు ఒడ్డున కూర్చుని త‌దేగంగా చూస్తున్న ఆ స్టిల్‌ను చూపిస్తూ ఈనెల 29న స‌రికొత్త అప్‌డేట్‌తో రాబోతున్నామంటూ పేర్కొన్నారు. మ‌రి ఆ అప్‌డేట్ ఏమిటో అనేది ఆస‌క్తిగా మారింది.  అనన్య పాండే నాయిక‌గా న‌టించింది. పూరీ జగన్నాథ్, ఛార్మీ కౌర్, కరణ్ జోహార్, అపూర్వ మెహతా, అనిల్ తడాని ఈ సినిమా నిర్మాణంలో పాలుపంచుకున్నారు. మైక్ టైస‌న్ ఇందులో న‌టించ‌డం విశేషం.