కోలుకుని క‌స‌ర‌త్తు చేస్తున్నాః అడివి శేష్
ఇటీవ‌లే క‌థానాయ‌కుడు అడవి శేష్ డెంగ్యూ బారిన ప‌డ్డారు. కొద్దిరోజుల విశ్రాంతి తీసుకున్నాక ఆయన కోలుకున్నారు. గురువారంనాడు పూర్తిగా కోలుకుని ఇలా క‌స‌ర‌త్తు చేస్తున్న వీడియోను ట్విట్ట‌ర్‌లో పోస్ట్ చేశారు. ఈ సంద‌ర్భంగా నా స్నేహితుల‌కు, అభిమానుల‌కు ధ‌న్య‌వాదాలు అంటూ పేర్కొన్నారు.
హైదరాబాద్‌లో ప్రైవేట్ ఆసుపత్రిలో జాయిన్ అయిన వెంట‌నే డాక్ట‌ర్లు ప‌రిశీలించి ఆయన రక్తంలో ప్లేట్‌లెట్ల సంఖ్య బాగా పడిపోయాయ‌ని తెల‌తిపారు. దీంతో సెప్టెంబర్ 18 న ఆసుపత్రికి వెళ్ళిన ఆయన కోలుకున్న తర్వాత కొన్ని రోజులు ఇంటిలోనే విశ్రాంతి తీసుకున్నారు
అడివి శేష్ తాజా సినిమా ‘మేజర్’. కొంత భాగం చిత్రీక‌రణ పూర్త‌యింది. ఈ షూటింగ్‌ను ఉత్త‌రాదిన మిల‌ట్రీ ఏరియాలోనూ మంచు ప్ర‌దేశాల్లోనూ చేయాల్సి వ‌చ్చింది. మేజర్ సందీప్ ఉన్నికృష్ణన్ జీవిత కథ ఆధారంగా రూపొందుతున్న ఈ చిత్రంలో మేజర్ పాత్రలో కనిపించబోతున్నాడు. 26/11 దాడుల్లో అమరవీరుడైన మేజర్ ఉన్నికృష్ణన్ బ‌యోపిక్ ఇది. ఈ సినిమాను సోనీ పిక్చర్స్, మహేష్ బాబు ఎంటర్టైన్మెంట్, ఏ+ఎస్ మూవీస్ నిర్మిస్తున్నారు. తెలుగు, హిందీ, మలయాళంలో విడుదల కానుంది.
