యూట్యూబ్‌ను షేక్ చేస్తున్న 'సామజవరగమనా' సాంగ్..
అల్లు అర్జున్ - త్రివిక్రమ్ శ్రీనివాస్ కాంబినేషన్‌లో తెరకెక్కుతున్న చిత్రం అలా వైకుంఠపురములో.. ఈ చిత్రం వచ్చే యేడాది సంక్రాంతి పండుగకు రిలీజ్ కానుంది. అయితే, ఇటీవ‌ల చిత్రానికి సంబంధించి 'సామజవరగమనా, రాములో రాములా..' అనే పాటలను విడుదల చేశారు.
క్లాసికల్ మ్యూజిక్‌కి వెస్ట్రన్ టచ్ ఇచ్చి ఎస్.ఎస్. థమన్ స్వరపర‌చిన 'సామజవరగమనా' సాంగ్ ప్రేక్షకులకు అమితంగా నచ్చేసింది. యూట్యూబ్‌లో రికార్డులు క్రియేట్ చేసింది. ఈ పాట 7 లక్షలకి పైగా లైక్స్ ను యూట్యూబ్‌లో దక్కించుకుంది. తెలుగులో ఓ పాట‌కి ఇన్ని లైక్స్ రావ‌డం ఇదే తొలిసారి.
ప్రస్తుతం ఈ చిత్రం షూటింగ్ యూరప్‌లో సాగుతోంది. అక్క‌డ బ‌న్నీ లిడో డాన్సర్స్తో క‌లిసి స్టెప్పులేసారు. గ‌త 25 సంవ‌త్స‌రాలుగా ఎంతో ఫేమ‌స్ అయిన లిడో డాన్స్‌ని బ‌న్నీ చేయ‌డంతో తాజాగా ఆయన ఖాతాలో మ‌రో రికార్డ్ న‌మోదైంది.
ఫస్ట్ టైమ్ పారిస్‌లో లిడో డాన్సర్స్తో డాన్స్ చేసిన సౌత్ఇండియన్ స్టార్‌గా అల్లు అర్జున్ గుర్తింపు పొంద‌డం విశేషం. కాగా, ఈ చిత్రంలో పూజా హెగ్డే క‌థానాయిక‌గా న‌టిస్తుండ‌గా, సుశాంత్, నివేదా పేతురాజ్, టబు, జయరామ్‌ తదితరులు కీల‌క పాత్ర‌లు పోషిస్తున్నారు.
