కన్నడ స్టార్ హీరో యశ్ కంట కన్నీరు... ఎందుకు..?
ఎంత పెద్ద సెలబ్రెటీ అయినా కొన్నిసార్లు వారు పిల్లల దగ్గర మాత్రం ఒక కామన్ మ్యాన్‌లా కనిపించడం సహజం. అలాగే కన్నడ స్టార్ హీరో యశ్ కూడా తన గారాల కూతురు ఐరా ముందు ఒక చిన్నపిల్లాడైపోతుంటాడు. ఈ విషయాన్ని ఆయన సతీమణి, కన్నడ హీరోయిన్‌ రాధికా పండిట్‌ చాలాసార్లు బయటపెట్టారు. అయితే రీసెంట్‌గా యశ్ కూతురు ఏడుస్తుంటే తట్టుకోలేక పోయాడట.
కళ్లల్లో నీళ్లు తిరిగాయని అలా యశ్‌ని నేనెప్పుడూ చూడలేదని రాధికా తెలిపింది. ఇటీవల ఐరాకు చెవులు కుట్టించేటప్పుడు బాగా ఏడ్చిందని అప్పుడు యశ్ ఎంతో భావోద్వేగానికి లోనయినట్లు ఆమె వివరించారు.
ఇక ఇప్పుడు వారిద్దరు సంతోషంగా ఉన్నారని చెబుతూ.. KGF స్టార్ తన కూతురితో ఉన్న ఒక స్పెషల్ పిక్‌ని సోషల్ మీడియా ద్వారా షేర్ చేశారు. ఆ ఫొటోలో యశ్ తన కూతురు ఐరాను ఎత్తుకొని నవ్వుతూ కనిపించడం అభిమానులను ఆకట్టుకుంటోంది.
