ఓ ఇంటికి కోడలైన మీర్జాపూర్ మహారాణి 'మల్లీశ్వరి'
బాలీవుడ్ నటి, టాలీవుడ్ హీరో విక్టరీ వెంకటేష్ చిత్రంలో మీర్జాపూర్ మహారాణి 'మల్లీశ్వరి' పాత్రలో నటించిన కత్రినా కైఫ్ ఓ ఇంటికి కోడలైంది. తన ప్రియుడు విక్కీ కౌశల్‌ను ఆమె పెళ్లి చేసుకున్నారు. వీరిద్దరి పెళ్లి అంగరంగ వైభవంగా జరిగింది.
రాజస్థాన్ రాష్ట్రంలోని సవాయ్ మాధోపూర్‌లోని సిక్స్ సెన్సెస్ ఫోర్ట్‌లో అత్యంత కట్టుదిట్టమైన భద్రత మధ్య వీరిద్దరూ వివాహబంధంతో ఒక్కటయ్యారు.
కోవిడ్ నిబంధనల దృష్ట్యా ఈ వివాహానికి వధూవరుల కుటుంబ సభ్యులతో పాటు.. అతికొద్ది మంది అతిథులను మాత్రమే ఆహ్వానించారు. అలాగే, వీరి వివాహానికి సంబంధించి ఫోటోలు సోషల్ మీడియాలో వచ్చాయి.
ఈ ఫోటోలను చూసిన నెటిజన్లు వధూవరులను ఆశీర్వదిస్తున్నారు. వీరిద్దరి వైవాహిక జీవితం సంతోషంగా ఉండాలని వారు కామెంట్స్ చేస్తున్నారు.
