నాడు అలా.. నేడు ఇలా : బోనీ కపూర్ భార్యల మరణం వెనుక...
బాలీవుడ్ నిర్మాతల్లో బోనీ కపూర్ ఒకరు. ఈయన అందాల నటి శ్రీదేవిని ప్రేమించి పెళ్లి చేసుకున్నారు. అదీ కూడా రెండో వివాహం. శ్రీదేవి కంటే బోనీకపూర్ మోనా కపూర్‌ను పెళ్లి చేసుకున్నారు.
బాలీవుడ్ నిర్మాతల్లో బోనీ కపూర్ ఒకరు. ఈయన అందాల నటి శ్రీదేవిని ప్రేమించి పెళ్లి చేసుకున్నారు. అదీ కూడా రెండో వివాహం. శ్రీదేవి కంటే బోనీకపూర్ మోనా కపూర్‌ను పెళ్లి చేసుకున్నారు. వీరిద్దరికీ అర్జున్ కపూర్ అనే కుమారుడు ఉన్నాడు. అయితే, నాడు మోనా కపూర్, నేడు శ్రీదేవి మరణం వెనుక ఓ బలమైన సెంటిమెంట్ ఉందంటూ సోషల్ మీడియాలో వార్తలు హల్‌చల్ చేస్తున్నాయి.
అతిలోకసుందరి శ్రీదేవి మరణంతో యావత్ చిత్ర పరిశ్రమలో విషాదఛాయలు అలుముకున్నాయి. చిత్ర పరిశ్రమ అనే కాకుండా ప్రపంచవ్యాప్తంగా శ్రీదేవి మరణం అందరినీ షాక్‌కి గురిచేసింది. అయితే శ్రీదేవి మరణం తర్వాత ఓ విషయం ఇప్పుడు సోషల్ మీడియాలో హల్‌చల్ చేస్తుంది.
మొదటి భార్య మోనా కపూర్ తన కుమారుడు అర్జున్ కపూర్.. బాలీవుడ్ ఎంట్రీ ఇస్తున్న సమయంలోనే మరణించారు. కొడుకు నటుడిగా ఎంట్రీ ఇచ్చిన సినిమా ఇంకా రెండు నెలల్లో విడుదల అవుతుందనగా ఆమె కేన్సర్ వ్యాధితో చనిపోయారు.
సేమ్ టు సేమ్. ఇపుడు దిగ్గజ నటి, వెండితెర అతిలోక సుందరి శ్రీదేవి కూడా తన కుమార్తె జాన్వీ కపూర్ హీరోయిన్‌గా పరిచయం అవుతున్న చిత్రం విడుదల కాకుండానే, గుండెపోటుతో తుదిశ్వాస విడిచారు. వారసుల ఎంట్రీకి, బోనీకపూర్ భార్యల మరణానికి లింక్ పెడుతూ.. అసలు మిస్టరీ ఇదేనంటూ సోషల్ మీడియాలో వార్తలు ట్రెండ్ అవుతున్నాయి.
