శుక్రవారం, 1 మార్చి 2024
  1. వినోదం
  2. తెలుగు సినిమా
  3. కథనాలు
Written By డీవీ
Last Updated : గురువారం, 9 ఫిబ్రవరి 2023 (16:39 IST)

షూటింగ్ గ్యాప్ లో భార్యతో విదేశాలకు మహేష్‌బాబు !

Mahesh, namrata at airport
Mahesh, namrata at airport
సూపర్‌ స్టార్‌ మహేష్‌బాబు తన భార్య నమ్రత శిరోద్కర్‌తో కలిసి హైదరాబాద్‌ ఎయిర్‌ పోర్ట్  లో దర్శనమిచ్చారు. నిన్ననే హైటెక్‌ సిటీ దగ్గర దుర్గం చెరువు సమీపంలోని ఆధార్‌ కార్యాలయంకు వెళ్ళి అక్కడ కె.వై.సి. వివరాలు వెరిఫికేషన్‌ చేసుకున్నారు. ఈరోజు హైదరాబాద్‌ ఎయిర్‌ పోర్ట్‌లో గ్లామర్‌ లుక్‌తో కనిపిస్తున్నారు. తాజాగా మహేష్‌బాబు, శ్రీలీల, పూజా హెగ్డే కాంబినేషన్‌లో ఎస్‌.ఎస్‌.ఎం.బి.28 చిత్రం షూట్‌ జరుగుతోంది.
 
ఇప్పటికే కొంత భాగం షూట్‌ కాగా, షెడ్యూల్‌ కొంత గ్యాప్‌ వచ్చినట్లు తెలిసింది. దాంతో భార్యతో విదేశాలకు వెళుతున్నట్లు కనిపిస్తోంది. కాగా, మహేష్‌ కొత్త లుక్‌తో అదిరిపోతున్నాడని నెటిజన్లు కామెంట్లు చేస్తున్నారు. త్వరలోనే మరలా తిరిగి వచ్చి తాజా షెడ్యూల్‌లో పాల్గొననున్నట్లు తెలుస్తోంది. ఈ చిత్రానికి థమన్‌ సంగీతం సమకూరుస్తుండగా హారికా హాసిని ఎంటర్‌టైన్‌ మెంట్‌ సినిమాను నిర్మిస్తోంది.