జై శ్రీరామ్ అంటూ తన్మయంతో డాన్స్ చేసిన మెగాస్టార్ చిరంజీవి
మెగాస్టార్ చిరంజీవి నటిస్తున్న చిత్రం ‘విశ్వంభర’ లో రామరామ.. పాటను హనుమత్ జయంతి సందర్భంగా నేడు విడుదల చేశారు. రామ రామ..రామ.. అంటూ శంకర్ మహదేవన్, లిప్సిక పాడిన ఈ పాటలో చిరంజీవి బ్రుందం తన శైలిలో పండించారు. ‘జై శ్రీరామ్’ అనే చిరు వాయిస్‌తో పాట ప్రారంభమవుతుంది. ‘రామ.. రామ..’ అంటూ సాగే ఈ పాటను కీరవాణి స్వరపరచగా.. రామజోగయ్య శాస్త్రి లిరిక్స్ అందించారు. వశిష్ఠ దర్శకత్వంలో రూపొందుతున్న ఈ చిత్రంలో త్రిష, ఆషికా రంగనాథ్ హీరోయిన్స్‌గా నటిస్తున్నారు.
హైదరాబాద్ శివార్లో వేసిన ఆలయం సెట్లో చిత్రీకరించారు. ‘తయ్యతక్క తక్కధిమి చెక్కభజనాలాడి..రాములోరి గొప్ప చెప్పుకుందామా.. నీ గొంతు కలిపి మా వంత పాడగ.. రావయ్య అంజని హనుమా..’ అంటూ సాగే ఈ పాట భక్తిభావాన్ని పెంపొందించేదిగా ఉంది. ఇక ఈ పాటకు చిరు స్టెప్స్‌తో మరింత వన్నె తెచ్చారు. మొత్తానికి హనుమాన్ జయంతికి గూస్‌బంప్స్ వచ్చేలా పాటను రూపొందించి మేకర్స్ వదిలారు. ఈ సినిమాను యూవీ క్రియేషన్స్ సంస్థ నిర్మిస్తోంది. సోషియో ఫాంటసీ ఎలిమెంట్స్‌తో ఈ సినిమా రూపొందుతోంది. ఈ సినిమాను జూలై 24న విడుదల చేయాలని మేకర్స్ భావిస్తున్నారు.
