గబ్బర్ సింగ్ ఇష్టపడి చేయని పవన్.. నాగబాబు అప్పుల కోసమేనట! (video)
జనసేన అధినేత, ఆంధ్రప్రదేశ్ ఉప ముఖ్యమంత్రి, పవర్‌స్టార్ పవన్ కళ్యాణ్ పుట్టినరోజు. ఈ సందర్భంగా ఆయనకు సినీ ప్రముఖులు, అభిమానులు విషెస్ తెలియజేస్తున్నారు. తమ్ముడు తనను ఆదుకున్న సంగతిని స్వయంగా ఆయనే పలుమార్లు బయటపెట్టారు.
ప్రస్తుతం రీ రిలీజ్‌ల ట్రెండ్ నడుస్తుండటంతో పవర్‌స్టార్ బ్లాక్‌బస్టర్ మూవీ గబ్బర్ సింగ్‌ను 4కే వెర్షన్‌లో వరల్డ్ వైడ్‌గా రిలీజ్ చేస్తున్నారు. హిందీలో హిట్ అయిన సల్మాన్ ఖాన్ దబాంగ్‌ను తెలుగు నేటివిటీకి తగ్గట్లుగా మార్చారు దర్శకుడు హరీశ్ శంకర్.
మే 11, 2012లో సమ్మర్ కానుకగా రిలీజైన గబ్బర్ సింగ్ సంచలన విజయం నమోదు చేసింది. రూ.30 కోట్ల బడ్జెట్‌తో తెరకెక్కిన ఈ సినిమా ఆ రోజుల్లోనే రూ.79 కోట్ల వసూళ్లను సాధించింది.
నిజానికి ఈ సినిమాను పవన్ కళ్యాణ్ ఇష్టపడి చేయలేదు.. కేవలం అన్నయ్య నాగబాబును అప్పుల్లో నుంచి గట్టెక్కించడానికే చేశారట. ఆరెంజ్ సినిమా మిగిల్చిన నష్టాలతో పీకల్లోతు అప్పుల్లో కూరుకుపోయిన నాగబాబు డిప్రెషన్‌లోకి వెళ్లారు.
దీంతో ఆయనను ఆదుకునేందుకు నడుం బిగించిన పవన్ కళ్యాణ్.. రూ.ఐదు కోట్ల సాయంతో పాటు తన నెక్ట్స్ సినిమాకు వచ్చే రెమ్యునరేషన్ మొత్తాన్ని ఇస్తానని మాటిచ్చారట.
గబ్బర్ సింగ్ లాభాలతో అన్నయ్య అప్పులు తీర్చి మిగతా ఎంత మిగిలితే అంత తీసుకో, తన రెమ్యునరేషన్ సంగతి తర్వాత చూద్దాం అని అగ్రిమెంట్‌ సమయంలో నిర్మాత బండ్ల గణేష్‌తో పవన్ అన్నారట.
