ఆంధ్రప్రదేశ్‌లో రూ. 62.4 కోట్ల లెగసీ వేస్ట్ ప్రాజెక్టులను దక్కించుకున్న బ్లూ ప్లానెట్
పర్యావరణ అనుకూల వ్యర్థాల నిర్వహణ, వృత్తాకార ఆర్థిక పరిష్కారాలలో ప్రపంచ వ్యాప్తంగా అగ్రగామి సంస్థ, బ్లూ ప్లానెట్ ఎన్విరాన్‌మెంటల్ సొల్యూషన్స్ ప్రైవేట్ లిమిటెడ్(బ్లూ ప్లానెట్), దాని పూర్తిగా యాజమాన్యంలోని అనుబంధ సంస్థ, జిగ్మా గ్లోబల్ ఎన్విరాన్ సొల్యూషన్స్ ద్వారా స్వచ్ఛ భారత్ మిషన్, అర్బన్ (SBM-U) 2.0 కింద రూ. 62.4 కోట్లకు పైగా విలువైన పలు క్లస్టర్ ఆధారిత ప్రాజెక్టులను పొందింది.
ఈ ప్రాజెక్టుల శ్రేణిలో ఆంధ్రప్రదేశ్ అంతటా లెగసి వేస్ట్, బయో-రెమిడియేషన్, బయో-మైనింగ్, భూ పునరుద్ధరణ ప్రాజెక్టులు ఉన్నాయి, ఆరు నెలల వ్యవధితో కూడిన ఈ ఒప్పందం స్వచ్ఛ ఆంధ్ర కార్పొరేషన్, ఆంధ్రప్రదేశ్ ప్రభుత్వ మున్సిపల్ అడ్మినిస్ట్రేషన్, అర్బన్ డెవలప్‌మెంట్ డిపార్ట్‌మెంట్ సహకారంతో అమలు చేయబడుతుంది.
ఈ కాంట్రాక్టులు పోటీ బిడ్డింగ్ ప్రక్రియ ద్వారా ఇవ్వబడ్డాయి. నాలుగు కీలక క్లస్టర్‌లలో విస్తరించి ఉన్నాయి. చిత్తూరు, తిరుపతి, అనంతపురం, గూడూరు, అలాగే నెల్లూరు మరియు గ్రేటర్ విశాఖపట్నం మునిసిపల్ కార్పొరేషన్ల పరిధిలోని రెండు అదనపు ప్రధాన డంప్‌సైట్‌లు భాగంగా వున్నాయి. ఈ ప్రాజెక్ట్ ప్రత్యామ్నాయ ఉపయోగం కోసం భూమిని తిరిగి పొందడంలో సహాయపడుతుంది, భూగర్భజలాలు మరియు గాలి నాణ్యత పరంగా గణనీయమైన మెరుగుదలకు దారితీస్తుంది.
బ్లూ ప్లానెట్ సీఈఓ ప్రశాంత్ సింగ్ మాట్లాడుతూ, “బ్లూ ప్లానెట్ వద్ద, పర్యావరణ పరిరక్షణ అనేది భూమిపై తీసుకునే చర్యతో ప్రారంభం కావాలి అనే నమ్మకంతో మేము నడుపబడుతున్నాము. ఆంధ్రప్రదేశ్‌లోని ఈ ప్రాజెక్ట్ కేవలం వ్యర్థాలను తొలగించడం గురించి కాదు. ఇది భూమిని పునరుద్ధరించడం, సమాజాలను ఉద్ధరించడం, వృత్తాకార ఆర్థిక వ్యవస్థకు పునాదిని నిర్మించడం గురించి” అని అన్నారు. బ్లూ ప్లానెట్ యొక్క జిగ్మా గ్లోబల్ ఎన్విరాన్ సొల్యూషన్స్ ప్రైవేట్ లిమిటెడ్ డైరెక్టర్ ఇలంగోవన్ తంగవేలు కుగలూర్ మాట్లాడుతూ, “భారతదేశం యొక్క వృత్తాకార ఆర్థిక వ్యవస్థ దృక్పథాన్ని విస్తరించే లక్ష్యంతో మేము ఉన్నాము..” అని అన్నారు.
