బుధవారం, 28 ఫిబ్రవరి 2024
  1. వినోదం
  2. తెలుగు సినిమా
  3. హాలివుడ్
Written By ఠాగూర్
Last Updated : ఆదివారం, 27 మార్చి 2022 (13:27 IST)

'కేజీఎఫ్ చాప్టర్-2' ట్రైలర్‌ను రిలీజ్ చేయనున్న హీరో చెర్రీ

కన్నడ చిత్రసీమలో ఎంతగానో ఎదురు చూస్తున్న చిత్రం "కేజీఎఫ్ చాప్టర్-2". గతంలో యష్ నటించిన "కేజీఎఫ్"కు సీక్వెల్. వచ్చే నెల 14వ తేదీన ప్రపంచ వ్యాప్తంగా విడుదలకానుంది. ఈ చిత్రం థియేట్రికల్ ట్రైలర్‌ను ఆదివారం బెంగుళూరులో గ్రాండ్‌గా లాంచ్ చేయనున్నారు. ప్రశాంత్ నీల్ దర్శకత్వం వహించిన ఈ చిత్రం ట్రైలర్ మరియు సినిమాపై భారీ అంచనాలే నెలకొనివున్నాయి. 
 
ఈ చిత్ర ట్రైలర్‌ను టాలీవుడ్ హీరో రామ్ చరణ్ ఆదివారం సాయంత్రం 6.40 గంటలకు తెలుగు ట్రైలర్‌ను లాంఛ్ చేస్తారు. బాలీవుడ్ నిర్మాత మరియు, దర్శకుడు కరణ్ జోహార్ హోస్ట్ చేయనున్న గ్రాండ్ ఈవెంట్‌లో కన్నడ ట్రైలర్‌ను కన్నడ నటుడు శివరాజ్ కుమార్ లాంఛ్ చేస్తారని మూవీ మేకర్స్ వెల్లడించారు. హోంబలే ఫిలింస్ నిర్మించింన ఈ చిత్రంలో శ్రీనిధి శెట్టి, సంజయ్ దత్, రావు రమేష్, రవీనా టాండన్, ప్రకాష్ రాజ్‌లు కీలక పాత్రలను పోషించారు. రవి బస్రూర్ సంగీతం అందించారు.