మంగళవారం, 23 ఏప్రియల్ 2024
  1. వినోదం
  2. తెలుగు సినిమా
  3. కథనాలు
Written By ముర‌ళీకృష్ణ‌
Last Updated : సోమవారం, 11 అక్టోబరు 2021 (14:13 IST)

రెండు విభిన్న వైవిధ్యాలను రాజ్ తరుణ్ చూపించారుః నాగ చైతన్య

Rajtarun, chitu, Srinu Gavireddy
రాజ్ తరుణ్,  శ్రీను గవిరెడ్డి దర్శకత్వంలో అవుట్ అండ్ అవుట్ ఎంటర్టైనర్ గా రూపొందుతున్న చిత్రం `అనుభవించు రాజా`. ఈ చిత్రాన్ని అన్నపూర్ణ స్టూడియోస్ ప్రై.లి., శ్రీవెంకటేశ్వర సినిమాస్ ఎల్ఎల్‌పి సంయుక్తంగా నిర్మిస్తోంది.
నాగార్జున ఇటీవ‌లే చిత్ర ఫస్ట్ లుక్‌ను విడుదల చేశారు. రామ్ చరణ్ టీజర్‌ను రిలీజ్ చేశారు. ఇక ఇప్పుడు నాగ చైతన్య ఈ చిత్రంలోని టైటిల్ సాంగ్‌ను విడుదల చేశారు.
 
అనంత‌రం నాగ చైతన్య మాట్లాడుతూ.. ‘అనుభవించు రాజా సినిమాలోని టైటిల్ సాంగ్‌ను విడుదల చేయడం చాలా ఆనందంగా ఉంది. ఇప్పుడే ఈ పాటను చూశాను. ఎంతో అద్భుతంగా ఉంది. భాస్కరభట్ల సాహిత్యం, గోపీ సుందర్ సంగీతం, రామ్ మిర్యాల గాత్రం ఈ పాటకు చక్కగా కుదిరాయి. ఆల్రెడీ నేను సినిమా కూడా చూశాను. సినిమా ఆసాంతం ఎంజాయ్ చేశాను. ఈ సినిమాలో రాజ్ తరుణ్ రెండు రకాల వెరియేషన్స్‌ను చూపించారు. అద్భుతమైన సందేశంతో, ఆద్యాంతం ఎంజాయ్ చేసేలా ఉంటుంది. అనుభవించు రాజా టీం మొత్తానికి ఆల్ ది బెస్ట్’ అని అన్నారు.
 
గోపీ సుందర్ అందించిన ఈ పాటలో.. జీవితాన్ని విచ్చలవిడిగా ఎంజాయ్ చేసే కుర్రాడి పాత్రను వినోదంగా చూపించారు. కోడి పందెలు, రికార్డింగ్ డ్యాన్సులు, సంక్రాంతి పండుగ వాతావరణం అంతా కూడా ఇందులో కనిపిస్తుంది. రామ్ మిర్యాల పాడిన ఈ పాటకు భాస్కర భట్ల అద్భుతైన సాహిత్యాన్ని అందించారు. విజువల్స్ ఎంతో కలర్ ఫుల్‌గా ఉన్నాయి. ఇక కొరియోగ్రఫీ కూడా ఎంతో చక్కగా కుదిరింది. సినిమాకు సంబంధించిన మ్యూజిక్ ప్రమోషన్స్ ప్రారంభించడానికి ఈ పాట పెర్ఫెక్ట్ ఛాయిస్..
 
సుప్రియ యార్లగడ్డ నిర్మిస్తోన్న ఈ చిత్రంలో రాజ్ తరుణ్ సరసన కశిష్ ఖాన్ నటిస్తున్నారు. భాస్కర భట్ల సాహిత్యాన్ని అందిస్తుండగా.. చోటా కే ప్రసాద్ ఎడిటర్‌గా వ్యవహరిస్తున్నారు.
 
నటీనటులు : రాజ్ తరుణ్, కశిష్ ఖాన్, పోసాని కృష్ణమురళీ, ఆడుకాలమ్ నరేన్, అజయ్, సుదర్శన్, టెంపర్ వంశీ, ఆదర్శ్ బాలకృష్ణ, రవి కృష్ణ, భూపాల్ రాజు, అరియానా
 
సాంకేతిక బృందంః  రచయిత, దర్శకత్వం : శ్రీను గవిరెడ్డి, నిర్మాత  : సుప్రియ యార్లగడ్డ, సంగీతం  : గోపీ సుందర్, ఎగ్జిక్యూటివ్ ప్రొడ్యూసర్ : ఆనంద్ రెడ్డి కర్నాటి,  సినిమాటోగ్రఫర్  : నాగేష్ బానెల్,  ఎడిటర్  : చోటా కే ప్రసాద్, లిరిక్స్  : భాస్కర భట్ల.