గురువారం, 28 మార్చి 2024
  1. క్రీడలు
  2. క్రికెట్
  3. వార్తలు
Written By ఠాగూర్
Last Updated : సోమవారం, 20 ఏప్రియల్ 2020 (14:55 IST)

స్క్వైర్ కట్ షాట్స్ ఆడేవాడ్ని... ఇపుడు హెయిర్ కట్ చేసుకుంటున్నా...

భారత క్రికెట్ దిగ్గజం సచిన్ టెండూల్కర్ ఇపుడు ఇంట్లో జుత్తు కత్తిరించుకుంటున్నాడు. కరోనా వైరస్ దెబ్బకు దేశ వ్యాప్తంగా లాక్‌డౌన్ అమలవుతోంది. దీంతో ప్రతి ఒక్క సెలెబ్రిటీ తమ ఇంటికే పరిమితమయ్యాడు. అయితే, లాక్ డౌన్ కారణంగా అన్ని సేవలు బంద్ అయ్యాయి. అయినప్పటికీ ఎలాగోలా సర్దుకుని పోతున్నారు. కానీ, ఒక్క హెయిర్ కంటింగ్‌కు మాత్రం ప్రతి ఒక్కరూ శక్తిమేరకు ప్రయత్నిస్తున్నారు. ఈ ఒక్క విషయంలో పలువురు సక్సెస్ అవుతుంటే, మరికొందరు విఫలమవున్నారు. ఇపుడు హెయిర్ కటింగ్‌లో సచిన్ కూడా నిమగ్నమయ్యాడు. 
 
2013లో అంతర్జాతీయ క్రికెట్ కెరీర్‌ నుంచి తప్పుకున్న సచిన్... ఇపుడు హెయిర్ కటింగ్ చేసుకుని సరికొత్త లుక్‌లో కనిపిస్తున్నాడు. దీనికి సంబంధించిన ఫోటోలను తన ఇన్‌స్టాగ్రామ్‌లో షేర్ చేస్తూ, ఓ కామెంట్ చేశాడు. స్క్వైర్ కట్స్ ఆడటం నుంచి ఇపుడు హెయిర్ కట్ వరకు చేసుకుంటున్నా. అయితే, ఎపుడు కొత్త పనిని చేసినా దాన్ని ఎంజాయ్ చేస్తూ ఆనందించినట్టు అందులో పేర్కొన్నాడు. 
 
పైగా, కొత్త హెయిర్ స్టైల్ ఎలా ఉందో చెప్పాలని అభిమానులకు ఓ ప్రశ్న సంధించాడు. కాగా, సోషల్ మీడియాలో ఎంతో యాక్టివ్‌గా ఉండే సచిన్... కరోనా వైరస్ గురించి ఎన్నో అవగాహనా ట్వీట్స్‌తో పాటు.. వీడియోలను చేసి పోస్ట్ చేశాడు.