Vaibhav Sooryavanshi ఐపీఎల్‌లో వైభవ్ సూర్యవంశీ రికార్డ్
లక్నో సూపర్ జెయింట్స్-రాజస్థాన్ రాయల్స్ మధ్య శనివారం జరుగుతున్న ఐపీఎల్ మ్యాచ్‌లో టాస్ గెలిచిన లక్నో సూపర్ జెయింట్స్ బ్యాటింగ్ ఎంచుకుంది. ఈ మ్యాచ్ జైపూర్‌లోని సవాయ్ మాన్సింగ్ స్టేడియంలో జరుగుతోంది.
ఈ మ్యాచ్ సందర్భంగా, రాజస్థాన్ రాయల్స్ ఆటగాడు వైభవ్ సూర్యవంశీ ఐపీఎల్ మ్యాచ్‌లో ఆడిన అతి పిన్న వయస్కుడైన క్రికెటర్‌గా చరిత్ర సృష్టించాడు. వైభవ్ సూర్యవంశీ వయసు కేవలం 14 సంవత్సరాల 23 రోజులు. అతను రాజస్థాన్ రాయల్స్ ఇంపాక్ట్ ప్రత్యామ్నాయాలలో ఒకరిగా జట్టులో చేర్చబడ్డాడు.
వైభవ్ సూర్యవంశీ బీహార్‌కు చెందిన యువ క్రికెటర్. అతను కొంతకాలంగా జూనియర్ క్రికెట్‌లో అద్భుతమైన ప్రదర్శనలు ఇస్తున్నాడు. ఆస్ట్రేలియా అండర్-19తో జరిగిన మ్యాచ్‌లో సూర్యవంశీ కేవలం 58 బంతుల్లోనే సెంచరీ సాధించాడు. ఆసియా కప్ అండర్-19 టోర్నమెంట్‌లో అతను 44 సగటుతో 176 పరుగులు చేశాడు.
శనివారం ఐపీఎల్ మ్యాచ్‌లో, రెగ్యులర్ కెప్టెన్ సంజు సాంసన్ అందుబాటులో లేకపోవడంతో, రియాన్ పరాగ్ రాజస్థాన్ రాయల్స్‌కు నాయకత్వం వహిస్తున్నాడు. మరోవైపు, లక్నో సూపర్ జెయింట్స్ ప్లేయింగ్ ఎలెవన్‌లో ఆకాష్ దీప్ స్థానంలో ప్రిన్స్ యాదవ్ వచ్చాడు.
