కింగ్ కోహ్లీ కొత్త రికార్డు.. ఏంటదో తెలుసా?
కింగ్ కోహ్లీ కొత్త రికార్డును తన ఖాతాలో వేసుకున్నాడు. గూగుల్ 25 ఏళ్ల చరిత్రలోనే తొలిసారి అత్యధికమంది శోధించిన వ్యక్తిగా అత్యంత అరుదైన ఘనత సొంతం చేసుకున్నాడు.
గూగుల్ తన 25 ఏళ్ల చరిత్రలో అత్యధికమంది శోధించిన టాపిక్స్ జాబితాను విడుదల చేసింది. ఇందులో క్రికెటర్లలో విరాట్ అగ్రస్థానంలో నిలవగా, సచిన్ టెండూల్కర్, ఎంఎస్ ధోనీ, రోహిత్‌శర్మ వంటి క్రికెటర్లు కూడా ఉన్నారు.
అత్యధికమంది శోధించిన అథ్లెట్ల జాబితాలో మాత్రం కోహ్లీ పేరు లేకపోవడం గమనార్హం. రియల్ మాడ్రిడ్, మాంచెస్టర్ యునైటెడ్ లెజెండ్ క్రిస్టియానో రొనాల్డో అగ్రస్థానంలో ఉన్నాడు.
సాకర్‌లో 15 ఏళ్లుగా ఆధిపత్యం చెలాయిస్తున్న రొనాల్డో తన ప్రధాన ప్రత్యర్థి లియోనల్ మెస్సీని కూడా ఓడించాడు.
