కామవాంఛ తీర్చని బాలిక.. కాళ్లు విరగ్గొట్టిన ఆటో డ్రైవర్... ఎక్కడ?
జార్ఖండ్ రాష్ట్రంలో దారుణం జరిగింది. 14 యేళ్ల బాలికకు మాయమాటలు చెప్పిన నిర్మానుష్య ప్రాంతానికి తీసుకెళ్లిన కామాంధుడైన ఆటో డ్రైవర్.. ఆ చిన్నారిపై లైంగిక దాడికి యత్నించాడు. అందుకు ఆ బాలిక సహకరించలేదు. దీంతో ఆగ్రహంతో ఆ బాలిక రెండు కాళ్లు విరగ్గొట్టాడు. ఆ తర్వాత తన కామవాంఛ తీర్చుకుని బాలికను అక్కడే వదిలివేసి వెళ్లిపోయాడు. తాజాగా వెలుగులోకి వచ్చిన ఈ వివరాలను పరిశీలిస్తే,
జార్ఖండ్ రాష్ట్రంలోని రాయ్‌గఢ్‌లో నివాసముండే ఓ బాలిక తన మేనమామ ఇంటికి వెళ్లేందుకు స్థానికంగా ఉండే బసుకినాథ్ బస్టాండుకు చేరుకుని బస్సుకోసం ఎదురు చూస్తుంది. ఆ సమయంలో ఓ ఆటో డ్రైవర్ అక్కడకు వచ్చి.. ఎక్కడకు వెళ్లాలని ఆ బాలికను అడిగాడు. పైగా, వెళ్లాల్సిన ప్రాంతానికి తాను తీసుకెళ్లానని నమ్మించాడు. అతని మాటలు నమ్మి బాలిక ఆటోలో ఎక్కింది.
ఆ సమయంలో ఆ ఆటోలో మరో మహిళ కూడా ఉండటంతో బాలికకు అనుమానం లేదా భయం వేయలేదు. అలా అరగంట ప్రయాణం చేసిన తర్వాత ఆ ఇద్దరిని ఓ నిర్మానుష్య ప్రాంతానికి తీసుకెళ్లాడు. వారిపై అత్యాచారం చేసేందుకు ప్రయత్నించాడు. ఆటో డ్రైవర్ దారుణాన్ని ముందుగానే పసిగట్టిన మహిళ అక్కడ నుంచి పారిపోయింది. కానీ బాధిత బాలిక మాత్రం ఆటో డ్రైవర్ చెర నుంచి తప్పించుకోలేక పోయింది.
దీంతో ఆమెపై లైంగిక దాడికి యత్నించాడు. ఆమె ప్రతిఘటించడమే కాకుండా తనను ఏమీ చేయొద్దని ప్రాధేయపడినప్పటికీ అతను వినిపించుకోలేదు. అలాగే, ఆ బాలిక కూడా అతనికి లొంగలేదు. దీంతో ఆగ్రహం కట్టలు తెంచుకున్న ఆటో డ్రైవర్ ఆ బాలిక కాళ్లు విరగ్గొట్టడంతో దిక్కులేని పరిస్థితుల్లో బాలిక బిక్కుబిక్కుమంటూ అక్కడే కుప్పకూలిపోయింది.
రాత్రంతా అక్కడే ఉండిపోయింది. మరుసటి రోజు ఉదయం అక్కడ నుంచి కాళ్లు ఈడ్చుకుంటూ రోడ్డుకు చేరుకుని సాయం కోసం అర్థించింది. ఆ బాలికను గుర్తించిన స్థానికులు పోలీసులకు సమాచారం అందించారు. వెంటనే అక్కడకు చేరుకున్న పోలీసులు బాధితురాలిని ఆస్పత్రికి తరలించి చికిత్స అందిస్తున్నారు. కేసు నమోదు చేసి ఆటో డ్రైవర్ కోసం గాలిస్తున్నారు.
