వసంత పంచమి.. పసుపు రంగు దుస్తులు ఎందుకు ధరిస్తారంటే? (వీడియో)
వసంత పంచమి గురువారం వస్తోంది. జనవరి 26న వసంత పంచమిని దేశ వ్యాప్తంగా అట్టహాసంగా జరుపుకోనున్నారు. వసంత పంచమి, శ్రీ పంచమి, సరస్వతీ పంచమి అని కూడా పిలుస్తారు. మాఘ మాసంలోని ఐదవ రోజున వస్తుంది వసంత పంచమి. ఈ పండుగ సరస్వతీ దేవికి అంకితం. ఈ ఏడాది జనవరి 26న వసంత్ పంచమి జరుపుకుంటారు
తన భార్యను విడిచిపెట్టినందుకు మనస్తాపం చెందిన కాళిదాసు నదిలో మునిగి ఆత్మహత్య చేసుకోవాలని యోచించాడని పురాణాలు చెబుతున్నాయి. ఆ సమయంలో సరస్వతీ దేవి కటాక్షంతో ఆయన జ్ఞానాన్ని పొంది గొప్ప కవిగా మారడంతో అతని జీవితం మారిపోయింది. అలా ఈ రోజున సరస్వతీ దేవిని పూజించడం ద్వారా దుఃఖాలు తొలగిపోతాయి. కొన్ని ప్రాంతాల్లో వసంత పంచమినే కామదేవ పంచమి అని కూడా అంటారు. రతిదేవి, కామదేవులు.. వసంత రుతువు వచ్చిన ఆనందంలో రంగులు జల్లుకుని తమ ఆనందాన్ని వ్యక్తపరిచారట. అందుకే ఉత్తరాదిన హోలీలా ఈ పండుగను జరుపుకుంటారు.
ఈ రోజున పసుపు రంగుకు చాలా ప్రాముఖ్యత ఉంది. ప్రజలు పసుపు దుస్తులను ధరించి, సరస్వతీ దేవిని పూజిస్తూ, సాంప్రదాయ వంటకాలను తింటూ రోజు జరుపుకుంటారు. పసుపు రంగు జ్ఞానాన్ని సూచిస్తుంది.
ప్రకారం పంచమి తిథి జనవరి 25, 2023న మధ్యాహ్నం 12:34 గంటలకు ప్రారంభమవుతుంది.జనవరి 26, 2023న ఉదయం 10:28 గంటలకు ముగుస్తుంది. పండుగ ముహూర్తం ఉదయం 7:12 నుండి మధ్యాహ్నం 12:34 వరకు ఉంటుంది.
