సోమవారం, 15 ఏప్రియల్ 2024
  1. వార్తలు
  2. ఐటీ
  3. ఐటీ వార్తలు
Written By సెల్వి
Last Updated : సోమవారం, 25 సెప్టెంబరు 2023 (09:48 IST)

Tecno Phantom V ఫ్లిప్ 5G: అక్టోబర్ 1 నుంచి అమేజాన్‌లో..

Tecno Phantom V Flip 5G
Tecno Phantom V Flip 5G
టెక్నో పాంథం ఫ్లిఫ్ స్టైల్‌లో 5జీ స్మార్ట్ ఫోనును విడుదల చేసింది. దీని పేరు టెక్నో ఫాంటమ్ వి ఫ్లిప్ 5జీ. ఇతర ఫోల్డబుల్ స్మార్ట్‌ఫోన్‌లతో పోలిస్తే.. తమ గ్యాడ్జెట్ చాలా ప్రత్యేకమైనదని సంస్థ ఓ ప్రకటనలో తెలిపింది. 
 
ఈ గాడ్జెట్ వృత్తాకార కవర్ స్క్రీన్‌ను ది ప్లానెట్ అంటారు. కెమెరా మాడ్యూల్ రూపకల్పన ఆస్టరాయిడ్ బెల్ట్‌ను గుర్తుకు తెస్తుంది. ఫోన్ కేస్‌లో ప్రీమియం లిచ్-ప్యాటర్న్ క్లాసిక్ వేగన్ లెదర్‌ని ఉపయోగించాు.
 
ఈ గాడ్జెట్ లగ్జరీ లుక్‌తో ఆకట్టుకుంటుంది. ఈ ఫోల్డబుల్ స్మార్ట్‌ఫోన్ 2 లక్షలకు పైగా మడతలను తట్టుకునేలా రూపొందించబడిందని టెక్నో ఓ ప్రకటనలో వెల్లడించింది. 
 
Tecno Phantom V ఫ్లిప్ 64MP ప్రైమరీ, 12MP అల్ట్రా వైడ్ కెమెరా సెటప్‌ను కలిగి ఉంది. సెల్ఫీలు, వీడియో కాల్స్ విషయానికొస్తే, ఈ డివైస్ 32MP ఫ్రంట్ కెమెరాను కలిగి ఉంది. ఫ్రీకామ్ సిస్టమ్‌తో అద్భుతమైన ఫోటోలను తీయవచ్చు.
 
ఈ మోడల్‌లో MediaTek Dimension 8050 5G చిప్‌సెట్ ఉంది. ఇది 8GB RAM, 256GB నిల్వను కలిగి ఉంది. కానీ ఈ గాడ్జెట్ 4000 mAh బ్యాటరీని మాత్రమే పొందుతోంది. ఫాస్ట్ ఛార్జింగ్ సపోర్ట్ ఉంది. 
 
అలాగే వై-ఫై, బ్లూటూత్, జీపీఎస్, 5జీ వంటి కనెక్టివిటీ ఫీచర్లు కూడా ఇందులో ఉన్నాయి. Tecno ఫాంటమ్ V ఫ్లిప్ 5G భారతదేశంలో ప్రారంభ ధర రూ. 49,999. ఐకానిక్ బ్లాక్ మరియు మిస్టిక్ డాన్ కలర్ ఆప్షన్‌లు అందుబాటులో ఉన్నాయి. అక్టోబర్ 1 నుంచి ఈ మోడల్‌ను అమెజాన్‌లో కొనుగోలు చేయవచ్చు. ఈ ఫోల్డబుల్ స్మార్ట్‌ఫోన్‌ను ఇతర దేశాలలో కూడా విడుదల చేయాలని కంపెనీ యోచిస్తోంది.