హాలీవుడ్ స్టైల్‌లో ఏటీఎం యంత్రాన్నే తాడుతో లాగారు.. ఇంతలో పోలీసులొచ్చారు..
మహారాష్ట్ర రాష్ట్రంలోని బీడ్ జిల్లాలో జరిగిన ఏటీఎం దోపిడీ చర్చనీయాంశంగా మారింది. హాలీవుడ్ సినిమా సిరీస్ ఫాస్ట్ అండ్ ఫ్యూరియస్‌లోని ఒక సన్నివేశం తరహాలో ఏటీఎంకు ముసుగు ధరించిన ముఠా యంత్రానికి తాడు కట్టి కారుతో లాగడానికి ప్రయత్నిస్తోంది.
ఈ దోపిడీ ఘటన మొత్తం అక్కడ ఉన్న సీసీటీవీలో రికార్డయింది. ఈ వీడియో ఆధారంగా ఉంచి నిందితుల కోసం పోలీసులు గాలిస్తున్నారు. సెప్టెంబర్ 6వ తేదీ తెల్లవారుజామున 3.00 గంటల ప్రాంతంలో దోపిడీ జరిగింది.
మాస్కులు ధరించి ఇద్దరు వ్యక్తులు ఏటీఎంను తెరిచారు. సాధారణంగా ఏటీఎం యంత్రాన్ని పగలగొట్టడం వంటి కార్యకలాపాలకు పాల్పడకుండా, ఈ ఏటీఎంలు యంత్రాన్ని తాడుతో లాగేందుకు ప్రయత్నించారు. వారి ప్రయత్నాలు విఫలమయ్యాయి.
అంతేగాకుండా సెంటర్‌లో అమర్చిన భద్రతా పరికరాలు పోలీసు శాఖను అప్రమత్తం చేయడంతో గార్డులు దోపీడీ జరిగిన ఏటీఎం కేంద్రానికి చేరుకున్నారు. అయితే పోలీసులు వచ్చేలోపే దుండగులు అక్కడి నుంచి పారిపోయారు.
