మహిళను కాలితో తన్నిన బీజేపీ ఎమ్మెల్యే.. వీడియో వైరల్
బీజేపీ నేతలకు నోటిదూల ఎక్కువని ఇప్పటికే చాలాసార్లు వినేవుంటాం. ప్రస్తుతం చేతికి కూడా పని చెప్తున్నారు. తాజాగా బీజేపీ ఎమ్మెల్యే మహిళను కాలితో తన్నాడు. ప్రస్తుతం ఈ వీడియో నెట్టింట వైరల్ అవుతోంది.
వివరాల్లోకి వెళితే.. అహ్మదాబాద్ నరోడా ప్రాంతానికి చెందిన బీజేపీ ఎమ్మెల్యే బాల్‌రామ్ దవానీ ఓ మహిళపై దాడి చేయడం.. కాలితో తన్నారు. ఈ ఘటనకు సంబంధించిన వీడియో ప్రస్తుతం నెట్టింట వైరలై కూర్చుంది.
బాధిత మహిళ నీటికొరతపై ఫిర్యాదు చేసేందుకు వచ్చింది. ఆ సమయంలో ఆ మహిళపై ఎమ్మెల్యే దాడికి పాల్పడ్డారు. ఈ వీడియోలో కిందకు నెట్టిన ఆ మహిళపై ఓ బృందం దాడికి పాల్పడింది.
మహిళను ఏకంగా ఎమ్మెల్యే కాలితో తన్నారు. ఈ ఘటనపై బాల్‌రామ్ దవానీ విచారం వ్యక్తం చేసినట్లు వార్తలు వస్తున్నాయి. కానీ ఈ వీడియో మాత్రం సోషల్ మీడియాలో చక్కర్లు కొడుతోంది.
ఈ ఘటనపై బాధిత మహిళ స్పందిస్తూ.. నలుగురితో కూడిన బృందం తనపై దాడిచేస్తే.. తన భర్తపై ఆరుగురు దాడికి పాల్పడ్డారని.. ఈ విషయాన్ని ప్రధాని మోదీకి అప్పీలు చేస్తున్నానని.. మోదీగారు భేటీ బచావో బేటీ పడావో అన్నారని.. కానీ ఆ పార్టీకి చెందిన ఎమ్మెల్యేలు మాత్రం మహిళను కాలితో తన్నారని చెప్పుకొచ్చింది.
