అజిత్‌పై అమ్మ ఎక్స్‌ట్రా కేర్.. రిస్కులు తీసుకోవద్దు బాబూ.. ఫ్యామిలీ ఉంది గుర్తుపెట్టుకో..
తమిళనాడు సీఎం జయలలిత అనారోగ్యం కారణంగా ఆస్పత్రిలో చికిత్స పొందుతున్న సంగతి తెలిసిందే. ఎనిమిది రోజులుగా ఆమె ఆరోగ్య పరిస్థితి ఏమిటనే దానిపై అపోలో వైద్యులు బులిటెన్ విడుదల చేయని నేపథ్యంలో.. జయలలిత సినీ న
తమిళనాడు సీఎం జయలలిత అనారోగ్యం కారణంగా ఆస్పత్రిలో చికిత్స పొందుతున్న సంగతి తెలిసిందే. ఎనిమిది రోజులుగా ఆమె ఆరోగ్య పరిస్థితి ఏమిటనే దానిపై అపోలో వైద్యులు బులిటెన్ విడుదల చేయని నేపథ్యంలో.. జయలలిత సినీ నటుడు అజిత్‌ను సీఎంగా చేయాలని ఉవ్విళ్లూరుతున్నారట. తాను కోలుకున్నాక.. అజిత్‌కు ఎలాగో నచ్చజెప్పి పార్టీ పగ్గాలతో పాటు సీఎం బాధ్యతలను అతనికే అప్పజెప్పేందుకు సన్నాహాలు చేస్తున్నట్లు సమాచారం.
గతంలో అజిత్, జయలలిత కలుసుకున్నారని.. పార్టీ భవిష్యత్తు పైన చర్చించారని కూడా సమాచారం. తాజాగా తమిళనాట అజిత్, జయ పట్ల పుకార్లు షికార్లు చేస్తున్నాయి. అజిత్ పట్ల అమ్మ ఎక్స్ ట్రా కేర్ తీసుకుంటున్నారని.. అందుకే గతంలో అజిత్‌ను కలిసినప్పుడు.. అజిత్ యాక్షన్ హీరోలు కావడంతో రిస్కులు చేయాల్సి వస్తుంది. అలాంటి రిస్కులు చేయవద్దని సూచించినట్లు తెలిసింది.
ఇటీవల ఓ అవార్డు ఫంక్షన్‌లో జయలలిత హీరో అజిత్‌కు సూచన చేశారని వార్తలొస్తున్నాయి. రిస్క్ ఉన్న సీన్లలో నటించవద్దని, బైక్ రేసులు, కారు రేసుల వంటి వాటికి దూరంగా ఉండాలని జయలలిత అజిత్‌కు సూచించినట్లు తెలుస్తోంది. రిస్క్ సీన్లలో నటించకుండా ఉండాలని.. తనకు ఓ కుటుంబం ఉన్నదన్న విషయాన్ని అజిత్ గుర్తించుకోవాల్సిందిగా అమ్మ సూచించినట్లు వార్తలొస్తున్నాయి.
