చెన్నైలో ఐదేళ్ల బాలికపై రాట్ వీలర్ కుక్క దాడి.. ఈ డాగ్స్‌పై నిషేధం
చెన్నైలో ఐదేళ్ల బాలికపై రాట్‌వీలర్ కుక్క దాడి చేసిన నేపథ్యంలో, ప్రజలకు "ప్రమాదకరమైనవి"గా అని పిలువబడే 33 జాతుల కుక్కల దిగుమతి, పెంపకం లేదా అమ్మకాలను తమిళనాడు పశుసంవర్ధక శాఖ గురువారం నిషేధించింది.
పశుసంవర్ధక శాఖ ప్రకటన ప్రకారం, నిషేధించబడిన కుక్క జాతులు టోసా ఇను, ఫిలా బ్రసిలీరో, అమెరికన్ బుల్ డాగ్, కాకేసియన్ షెపర్డ్, కనగల్ షెపర్డ్ డాగ్, టెర్రియర్స్, మాస్టిఫ్స్, టోర్న్‌జాక్, కేన్ కోర్సో, వోల్ఫ్ డాగ్స్, అక్బాష్, పిట్‌బుల్ టెర్రియర్, అమెరికన్ స్టాఫ్, టెర్రియర్, డోగో అర్జెంటీనో, బోయర్‌బోయెల్, సెంట్రల్ ఆసియన్ షెపర్డ్ డాగ్, సౌత్ రష్యన్ షెపర్డ్ డాగ్, జపనీస్ టోసా మరియు అకిటా, రోట్‌వీలర్, రోడేసియన్ రిడ్జ్‌బ్యాక్, కానరియా, మాస్కో గార్డ్, బాండోగ్ వంటి రకాలైన శునకాలపై నిషేధం విధించారు.
ఈ జాబితాలోని కుక్కలు పునరుత్పత్తిని నిరోధించడానికి వెంటనే స్టెరిలైజేషన్ శస్త్రచికిత్స చేయించుకోవాలని పేర్కొంది. రోట్‌వీలర్స్, పిట్‌బుల్స్, అమెరికన్ బుల్‌డాగ్స్, ఇతర ప్రమాదకరమైనవిగా పరిగణించబడే వివిధ కుక్కల జాతులపై నిషేధాన్ని యూనియన్ పశుసంవర్థక శాఖ ఇప్పటికే సిఫార్సు చేసింది.
మానవ ప్రాణాలకు ప్రమాదకరమైన కుక్కల విక్రయం, పెంపకం, పెంపుడు జంతువులు వంటి వాటికి లైసెన్స్‌లు ఇవ్వకుండా చూడాలని రాష్ట్ర ప్రభుత్వాలు, కేంద్ర పాలిత ప్రాంతాలను ఆదేశించింది.
