శుక్రవారం, 29 మార్చి 2024
  1. క్రీడలు
  2. ఇతర క్రీడలు
  3. వార్తలు
Written By selvi
Last Updated : మంగళవారం, 3 జులై 2018 (16:05 IST)

థాయ్‌లాండ్‌ గుహలో చిక్కుకుపోయిన 12మంది చిన్నారులు... (వీడియో)

థాయ్‌లాండ్‌లో ట్రెక్కింగ్ శిక్షణ కోసం వెళ్లిన 12 మంది చిన్నారులు గుహలోకి చిక్కుకుపోయారు. తొమ్మిదిరోజుల పాటు గుహలోనే గడిపారు. పదో రోజున వారి ఆచూకీ తెలియవచ్చింది. ఓ లోతైన గుహలో చిక్కుకుపోయి బయటకు రాలేక

థాయ్‌లాండ్‌లో ట్రెక్కింగ్ శిక్షణ కోసం వెళ్లిన 12 మంది చిన్నారులు గుహలోకి చిక్కుకుపోయారు. తొమ్మిదిరోజుల పాటు గుహలోనే గడిపారు. పదో రోజున వారి ఆచూకీ తెలియవచ్చింది. ఓ లోతైన గుహలో చిక్కుకుపోయి బయటకు రాలేక అక్కడే గడుపుతున్న థాయ్ యూత్ ఫుట్ బాల్ టీమ్‌లోని ప్రతి ఒక్కరూ క్షేమంగా ఉన్నట్టు తెలియజేస్తూ ఓ వీడియో విడుదలైంది. 
 
ఓ గుహలో మట్టి, బురదనీరు మధ్య వీరంతా చిక్కుకుపోయి, ఆకలితో అలమటిస్తున్నారు. తమకు కనీస ఆహారం పంపాలని వేడుకున్నారు. థాయ్ నేవీ సీల్స్ విడుదల చేసిన ఈ వీడియోలో ఫుట్ బాల్ జర్సీలు ధరించిన వీరంతా మోకాళ్లపై కూర్చుని.. ఆకలిబాధతో పాటు నరకయాతన అనుభవిస్తున్నారు. దీనికి సంబంధించిన వీడియోను సోమవారం నాడు తీశామని చెబుతూ నేవీ సీల్స్ తన ఫేస్ బుక్ అధికార పేజీలో వీడియోను పోస్ట్ చేసింది.
 
ఈ వీడియోలో గుహలోకి వెళ్లిన డైవర్, బ్రిటిష్ ఇంగ్లీష్ యాసతో మాట్లాడుతూ, మిమ్మల్ని రక్షించడానికి ఇక్కడకు చాలామంది రానున్నారని, తొలుత తాను వచ్చానని, అందరినీ బయటకు తీసుకెళ్తామని చెప్పాడు. జూన్ 23, శనివారం నుంచి వీరంతా గుహలో చిక్కుకుపోయి ఉన్నారని అధికారులు తెలిపారు.