నాగచైతన్యతో జతకట్టనున్న కీర్తి సురేష్?
హీరో నాగ చైతన్య, దర్శకుడు చందూ మొండేటి మళ్లీ కలిసి పని చేయనున్నారు. వీరిద్దరూ గతంలో మలయాళ బ్లాక్‌బస్టర్.. తెలుగు వెర్షన్ ‘ప్రేమమ్’లో కలిసి పనిచేశారు. ఈ చిత్రం బాక్సాఫీస్ వద్ద సక్సెస్ అయ్యింది. చందూ మొండేటి దర్శకత్వంలో నిఖిల్ సిద్ధార్థ, అనుపమ పరమేశ్వరన్ జంటగా నటించిన ‘కార్తికేయ 2’ దేశవ్యాప్తంగా బాక్సాఫీస్ వద్ద విజయం సాధించింది.
తాజాగా నాగచైతన్యకు హిట్ ఇచ్చేందుకు చందూ మొండేటి రెడీ అయ్యారు. GA2 పిక్చర్స్ దీనిని తెరకెక్కిస్తోంది. ఈ సినిమా కోసం చైతూ సరసన కీర్తి సురేష్‌ను నటింపజేయాలని దర్శకుడు భావిస్తున్నాడు. ఇప్పటివరకు నాగ చైతన్యతో కీర్తి సురేష్ మహానటిలో కనిపించింది. ఇక తాజా చిత్రం ఆగస్ట్ లేదా సెప్టెంబర్‌లో షూటింగ్ ప్రారంభం కానుంది.
