'లవ్ స్టోరీ'తో చైతూకి, ఫిదా భామకు హ్యాట్రిక్ ఖాయమా?
అక్కినేని నాగచైతన్య-సాయిపల్లవి జంటగా నటిస్తున్న ''లవ్ స్టోరీ'' త్వరలో విడుదల కానుంది. ఈ చిత్రానికి సెన్సిబుల్ డైరెక్టర్ శేఖర్ కమ్ముల దర్శకత్వం వహిస్తున్నారు. చైతన్య మజిలీ, వెంకీమామ చిత్రాల తర్వాత చేస్తున్న సినిమా కావడం.. ఇందులో ఫిదా బ్యూటీ సాయిపల్లవి నటిస్తుండడం.. శేఖర్ కమ్ముల దర్శకుడు కావడంతో ఈ ప్రాజెక్ట్‌పై భారీ అంచనాలు ఏర్పడ్డాయి.
ప్రస్తుతం ఇటీవల హైదరాబాద్ పరిసర ప్రాంతాల్లో షూటింగ్ జరుపుకున్న లవ్‌స్టోరీ కంప్లీట్ అయ్యింది. పాచ్ వర్క్ మాత్రం మిగిలివుంది. దీంతో లవ్ స్టోరీ రిలీజ్ ఎప్పుడు అని అభిమానులు ఆరా తీస్తున్నారు. ఈ సినిమా నిర్మాతలు ప్రకటించలేదు కానీ... లవ్ స్టోరీని డిసెంబర్ నెలాఖరున లేదా జనవరిలో రిలీజ్ చేయడానికి ప్లాన్ చేస్తున్నట్టు వార్తలు వస్తున్నాయి.
పాచ్ వర్క్ కూడా కంప్లీట్ అయిన తర్వాత రిలీజ్ డేట్ ఎప్పుడు అనేది అఫిషియల్‍గా ఎనౌన్స్ చేస్తారని సమాచారం. ఈ మూవీ తర్వాత చైతన్య మనం ఫేమ్ విక్రమ్ కుమార్ తో థ్యాంక్యూ అనే సినిమా చేయనున్నారు. దిల్ రాజు ఈ చిత్రాన్ని నిర్మిస్తున్నారు. ప్రస్తుతం ప్రీ ప్రొడక్షన్ వర్క్ జరుగుతుంది. అక్టోబర్ నుంచి ఈ సినిమా షూటింగ్ స్టార్ట్ చేయనున్నారు. మరి.. మజిలీ, వెంకీమామ చిత్రాలతో వరుస విజయాలు సాధించిన చైతు లవ్ స్టోరీతో హ్యాట్రిక్ సాధిస్తాడో లేదో వేచి చూడాలి.
