డేటింగ్ చేయొచ్చుకదా? అంటూ అభిమాని సలహా .. నన్ను ఎవరు ప్రేమిస్తారంటా కొంటెంగా సమంత ప్రశ్న! (video)

అక్కినేని నాగ చైతన్యతో వైవాహిక జీవిత సంబంధాన్ని తెగదెంపులు చేసుకున్న హీరోయిన్ సమంత ఇపుడు ఒంటరి జీవితాన్ని గడుపుతున్నారు. తనకు సోకిన అరుదైన వ్యాధి మయోసైటిస్ నుంచి కోలుకున్న సమంత... వరుస చిత్రాల్లో నటిస్తూ బీజిగా గడుపుతున్నారు. అదేసమయంలో సోషల్ మీడియాలో తన అభిమానులతో చిట్ చాట్ చేస్తున్నారు. ఈ క్రమంలో ఓ అభిమాని సమంతకు ఓ సలహా ఇచ్చారు. ఒంటరిగా ఉండటం కంటే.. ఎవరితోనైనా డేటింగ్ చేయొచ్చు కదా అని అడ్వైజ్ చేయగా, దానికి ఆమె బదులిస్తూ తనను ఎవరు ప్రేమిస్తారంటూ ప్రశ్నించారు. సమంత ఇచ్చిన షార్ప్ రిప్లైక్ ఫ్యాన్స్ ఫిదా అయిపోయారు. 

ఈ నెల 26వతేదీ స్రవంతి సీఎం అనే ట్విట్టర్ యూజర్ సమంతకు అనుకోని విధంగా ఓ సూచన చేసింది. చెప్పడానికి ఇది నా స్థానం కాదని తెలుసు. కానీ, "దయచేసి ఎవరితో అయినా డేట్ చేయి" అంటూ ట్వీట్ చేసింది. కానీ, దీనికి సమంత ఇచ్చిన బదులు అందరి హృదయాలను గెలుచుకుంది. 

"మీ అంతలా నన్ను ఎవరు ప్రేమిస్తారు" అని సమంత ఆన్సర్ ఇచ్చింది. సమంత సమాధానం చాలా మంది హృదయాలను గెలుచుకుంది. అభిమానులు ఎవరికి తోచినట్టుగా వారు కామెంట్స్ చేస్తున్నారు. హాయ్ సమంత ఈ ప్రంపంచంలో అన్నిటికంటే నేను నిన్నే ఎక్కువ ప్రేమిస్తున్నాను అని ఓ యూజర్ స్పందించారు. కాగా, ఆమె నటించిన శాకుంతలం చిత్రం వచ్చే నెల 14వ తేదీన విడుదల కానున్న విషయం తెల్సిందే.