భాగ్యశ్రీ బోర్స్ తో రొమాన్స్ చేస్తున్న మిస్టర్ బచ్చన్ పోస్టర్
RaviTeja, Bhagyashri Borse
బాలీవుడ్ సూపర్ స్టార్ అమితాబ్ కు వీరాభిమాని మాస్ మహారాజ రవితేజ. అతని శైలిని అనుకరిస్తూ డాన్స్ లోనూ తన శైలిని కలిపి చూపిస్తుంటాడు. ప్రస్తతుం ఆ పేరుతో సినిమా కూడా చేస్తున్నాడు. మిస్టర్ బచ్చన్ పేరుతో షూట్ జరుపుకుంటున్న ఈ సినిమాలో రవితేజ యూత్ ఫుల్ క్యారెక్టర్ ను కూడా చేస్తున్నట్లు తెలిసింది. ఈరోజు వాలెంటైన్ డే సందర్భంగా యూత్ ఫుల్ పోస్టర్ ను విడుదలచేసి యూత్ కు ధీటుగా వున్నట్లు కనిపిస్తున్నాడు.
హరీష్ శంకర్ ఈ సినిమాకు దర్శకత్వం వహిస్తున్నారు. పీపుల్ మీడియా ఫ్యాక్టరీ, పనోరమా మూవీస్ సంయుక్తంగా నిర్మిస్తున్నారు. ఈ చిత్రం ను అనౌన్స్ చేసినప్పటి నుండి సినిమా పై మంచి పాజిటివ్ బజ్ నెలకొంది. రవితేజ కుర్చీ లో కూర్చుని ఉండగా, రవితేజ పై హీరోయిన్
భాగ్యశ్రీ బోర్స్ వాలిపోయి ఉంది. ఈ రొమాంటిక్ పోస్టర్ ఆడియెన్స్ ను విశేషం గా ఆకట్టుకుంటుంది.
మిక్కీ జే మేయర్ సంగీతం అందిస్తున్న ఈ సినిమా గురించి మరిన్ని వివరాలు త్వరలో తెలియజేయనున్నారు.
