'సూర్యకాంతం' పవర్ స్టార్ పాటకు స్టెప్పులేస్తే..?
మెగా హీరోయిన్ నిహారిక ''ఒక మనసు'' సినిమాతో హీరోయిన్‌గా తెరంగేట్రం చేసింది. తాజాగా.. సూర్యకాంతం అనే సినిమాలో నిహారిక నటించనుంది. బి. ప్రణీత్‌ ఈ సినిమాకు దర్శకత్వం వహిస్తున్నారు. వరుణ్‌తేజ్‌ సినిమాను సమర్పిస్తున్నారు.
అలాగే సందీప్‌ ఎర్రంరెడ్డి, రామ్‌ నరేష్‌, సృజన్ ఎర్రబోలు సంయుక్తంగా నిర్మిస్తున్నారు. మార్క్‌ కె రాబిన్‌ బాణీలు అందిస్తున్నారు. ఈ సినిమాకు సంబంధించిన ఫస్ట్ లుక్ ఇటీవలే విడుదలైంది. ఈ నెల 29న ''సూర్యకాంతం'' విడుదల కానుంది. ఈ నేపథ్యంలో బాబాయ్ పాటకు నిహారిక స్టెప్పులేసింది.
పవర్ స్టార్ పవన్ కల్యాణ్ నటించిన ఖుషి సినిమాలోని ''అమ్మాయే సన్నగా అరనవ్వే నవ్వగా..'' పాటకు నిహారిక డ్యాన్స్ చేసింది. ఈ సరదా సంఘటన ''సూర్యకాంతం'' సెట్‌లో జరిగింది. ఈ పాటకు నిహారికతో పాటు సీనియర్ నటి సుహాసిని కూడా జతకలిసింది. ఈ పాటకు వీళ్లిద్దరూ డ్యాన్స్ చేస్తున్న వీడియో ప్రస్తుతం సోషల్ మీడియాలో వైరల్ అవుతోంది.
