యూఎస్ ఓపెన్- అనుచితంగా ప్రవర్తించిన సెరెనా విలియమ్స్.. భారీ షాక్
అమెరికా టెన్నిస్ స్టార్‌ సెరెనా విలియమ్స్ అనుచితంగా ప్రవర్తించింది. దీంతో ఆమెకు ఊహించని షాక్ తగిలింది. శనివారం జరిగిన యూఎస్ ఓపెన్ మహిళల ఫైనల్‌ మ్యాచ్‌లో సెరెనా మూడు సార్లు నిబంధనలు ఉల్లంఘించినందు
అమెరికా టెన్నిస్ స్టార్‌ సెరెనా విలియమ్స్ అనుచితంగా ప్రవర్తించింది. దీంతో ఆమెకు ఊహించని షాక్ తగిలింది. శనివారం జరిగిన యూఎస్ ఓపెన్ మహిళల ఫైనల్‌ మ్యాచ్‌లో సెరెనా మూడు సార్లు నిబంధనలు ఉల్లంఘించినందుకు గాను 17,000 యూఎస్ డాలర్ల జరిమానాను అసోసియేషన్ విధించింది.
కోచ్‌ నుంచి సంకేతాల రూపంలో సలహాలు అందుకుంటోందని, ఇది నిబంధనలకు విరుద్ధమని చైర్‌ అంపైర్‌ సెరెనాకు హెచ్చరిక జారీ చేశారు. ఈ హెచ్చరికలను విభేదించడం, అసహనంతో రాకెట్‌ విరగ్గొట్టడం, తీవ్ర పదజాలంతో చైర్‌ అంపైర్‌ను దూషించినందుకుగాను జరిమానా విధిస్తున్నట్లు అసోషియేషన్‌ పేర్కొంది.
ఇదిలా ఉంటే.. యూఎస్ టెన్నిస్ అసోసియేషన్ సెరెనాకు జరిమానా విధించినా.. క్రీడల్లో అందరికి సమాన హక్కులు ఉండాలని.. పురుష ప్లేయర్లు చైర్‌ అంపైర్లను చాలా పరుష పదజాలంతో దూషించనప్పటికీ వారిపై ఎలాంటి చర్యలు తీసుకోలేదని సెరెనా గుర్తు చేసింది.
క్రీడల్లో మహిళలకు, పురుషులకు వేరువేరు నిబంధనలు ఉండటం సమంజసం కాదని పలువురు మాజీ క్రీడాకారులు తప్పుపట్టారు. మహిళల టెన్నిస్ అసోషియేషన్‌, అభిమానుల నుంచి సెరెనాకు భారీ మద్దతు లభిస్తోంది.
మరోవైపు కెరీర్‌లో 24వ గ్రాండ్‌స్లామ్‌ టైటిల్‌ సాధించి రికార్డు సృష్టిస్తుందని భావించిన సెరెనా విలియమ్స్ భవిష్యత్‌ టెన్నిస్ తార నయోమి ఒసాకా(జపాన్‌) చేతిలో బోల్తా పడింది.
