చాట్‌జీపీటీ ఆల్‌టైమ్ బెస్ట్ టీ20 టీమ్- కెప్టెన్‌గా ధోనీకే ఓటు
చాట్‌జీపీటీలో రోజుకో అద్భుతం వెలుగులోకి వస్తోంది. సాంకేతిక ప్రపంచంలో కొత్త ఒరవడి సృష్టిస్తోన్న చాట్‌జీపీటీ.. తాజాగా క్రికెట్‌కు సంబంధించిన ప్రశ్నలకు కూడా టక్కున సమాధానం ఇచ్చింది.
అంతేగాకుండా ఓ దిగ్గజ క్రికెటర్ ఎంతలా ఆలోచించి ఆల్‌టైమ్ బెస్ట్ టీ-20 జట్టును ప్రకటిస్తాడో.. అంతకుమించిన టీమ్ ప్రకటించి అందరినీ ఆశ్చర్యపరిచింది.
టీ-20 క్రికెట్‌లో ఆల్‌టైమ్ బెస్ట్ జట్టు ఏదీ అని చాట్‌జీపీటీని అడిగితే.. సెకన్ల వ్యవధిలో జట్టును ప్రకటించిందట. ఏఐ టూల్ సాయంతో అచ్చం మనిషిలా ఆలోచించి బెస్ట్ జట్టును ప్రకటించింది.
బ్యాటింగ్ ఆర్డర్, ఆల్ రౌండర్, వికెట్ కీపర్, స్పిన్నర్లు, పేసర్లు జట్టులో వుండేలా చూసింది. ఈ జట్టుకు ప్రపంచ అత్యుత్తమ సారథి ఎంఎస్ ధోనీని కెప్టెన్‌గా ఎంపిక చేసింది.
చాట్‌జీపీటీ ఎంపిక చేసిన జట్టు ఆల్‌టైమ్ బెస్ట్ టీ-20 జట్టు అనకుండా ఉండలేరు. చాట్‌జీపీటీ తన ఆల్‌టైమ్ బెస్ట్ టీ-2- జట్టుకు ఓపెనర్లుగా క్రిస్ గేల్, రోహిత్ శర్మలను ఎంపిక చేసింది.
చాట్‌జీపీటీ ఆల్‌టైమ్ బెస్ట్ టీ20 టీమ్ :
క్రిస్ గేల్, రోహిత్ శర్మ, విరాట్ కోహ్లీ, ఏబీ డివిలియర్స్, గ్లెన్ మ్యాక్స్‌వెల్, ఎంఎస్ ధోనీ, షాహిద్ అఫ్రిది, రషీద్ ఖాన్, లసింత మలింగ, జస్ప్రీత్ బుమ్రా, డేల్ స్టెయిన్.
