షరపోవా ఇష్యూ: సచిన్ స్పందన అదుర్స్.. హేట్సాఫ్!
రష్యా టెన్నిస్ స్టార్ మారియా షరపోవా తనను అగౌరవపర్చేలా మాట్లాడలేదని క్రికెట్ దిగ్గజం సచిన్ టెండూల్కర్ అన్నాడు. షరపోవాకు క్రికెట్ గురించి తెలియదని ఆయన అన్నాడు. వింబుల్డన్లో షరపోవా మ్యాచ్ను బ్రిటన్ సాకర్ స్టార్ బెక్హామ్తో కలిసి సచిన్ వీక్షించాడు. అయితే మ్యాచ్ అనంతరం విలేకరులు సచిన్ తెలుసా? అని ప్రశ్నించగా.. బెక్హామ్ను ఒకసారి కలిశా, సచిన్ మాత్రం తెలియదని షరపోవా సమాధానం చెప్పింది. దీంతో సచిన్ అభిమానులు షరపోవాపై ఆగ్రహం వ్యక్తం చేసిన సంగతి తెలిసిందే.
మా అబ్బాయితో చెప్పా... చారిత్రక లార్డ్స్ మైదానంలో భారత్ విజయం సాధిస్తుందని ముందే అంచనా వేశానని లెజెండరీ బ్యాట్స్మన్ సచిన్ తెలిపాడు. ఓ టీవీ ఛానల్కు ఇచ్చిన ఇంటర్వ్యూలో సచిన్ తన మనోగతం వెల్లడించాడు. తనకు చాలా సంతోషంగా ఉందని, ఇది అద్భుతమైన ప్రదర్శన అని అన్నాడు. లార్డ్స్ టెస్ట్ తొలి రోజు ఆట చూశానని, మనదే పై చేయి అవుతుందని మా అబ్బాయి అర్జున్తో చెప్పానని తెలిపాడు.