మీ గుండెను ఆరోగ్యంగా ఉంచుకోవడానికి మీ ఆహారంలో చేర్చుకోవాల్సిన 3 ఆహారాలు
నేటి వేగవంతమైన ప్రపంచంలో, చాలా మంది తమ గుండె ఆరోగ్యంపై ప్రభావం చూపే ఒత్తిడి జీవితాలను గడుపుతున్నారు. పని పరంగా తీవ్రమైన ఒత్తిడి, ఎడతెగని డిజిటల్ కనెక్టివిటీ, పని-జీవిత సమతుల్యతను కొనసాగించే క్రమంలో ఎదురవుతున్న ఒత్తిళ్లు, ఆందోళన వల్ల స్వీయ-సంరక్షణ కోసం సమయం కేటాయించలేక పోతున్నారు. అంతేకాకుండా, అతిగా తినడం, ధూమపానం లేదా అధిక ఆల్కహాల్ వినియోగం వంటివి ప్రమాదాన్ని మరింత పెంచుతున్నాయి. మెరుగైన గుండె ఆరోగ్యం కోసం ఆహారంలో చేర్చవలసిన అనేక ఆహార పదార్థాలలో 3 ప్రధానమైనవి. అవేమిటో చూద్దాము.
బాదం: మీ ఆహార ప్రణాళికలో తప్పనిసరిగా స్థానం పొందవలసిన ఒక గింజ బాదం. బాదంపప్పులో కాల్షియం, విటమిన్ ఇ, మెగ్నీషియం, ఫైబర్ అధికంగా ఉంటాయి. ఇవి కొలెస్ట్రాల్ స్థాయిలను తగ్గించడంలో సహాయపడతాయి. గుండె జబ్బుల ప్రమాదాన్ని తగ్గించడానికి ఆహారంలో ఆరోగ్యకరమైన కొవ్వులను అందిస్తాయి. బాదం, ఇతర గింజలు కూడా రక్తనాళాల పనితీరును మెరుగుపరచడంలో సహాయపడతాయి. మీరు ఉదయం పనికి వెళ్లే ముందు ఈ గింజలను తినవచ్చు లేదా మీ రోజువారీ సాయంత్రం అల్పాహారంగా తీసుకోవచ్చు.
ఓట్స్: ఓట్స్‌లో కరిగే ఫైబర్ ఉంటుంది, ఇది మీ రక్తప్రవాహంలోకి "చెడు" కొలెస్ట్రాల్ శోషణను తగ్గించడం ద్వారా మీ LDL కొలెస్ట్రాల్‌ను తగ్గిస్తుంది. అందువల్ల, ఓట్స్‌ను ఇతర ఆహారాలతో పాటు క్రమం తప్పకుండా తీసుకోవడం ఆరోగ్యకరమైన గుండెకు దోహదం చేస్తుంది.
వెల్లుల్లి: వెల్లుల్లిలో అల్లిసిన్ అనే సమ్మేళనం ఉంటుంది, ఇది రక్తపోటు, కొలెస్ట్రాల్ స్థాయిలను తగ్గించడంలో సహాయపడుతుంది, తద్వారా గుండె ఆరోగ్యానికి తోడ్పడుతుంది. వెల్లుల్లి వినియోగం కార్డియోప్రొటెక్టివ్ ప్రభావాన్ని కలిగి ఉందని చాలా అధ్యయనాలు చూపిస్తున్నాయి.
వీటిని మీ ఆహారంలో చేర్చడం, సమతుల్య, తక్కువ సోడియం కలిగిన ఆహారాన్ని తీసుకోవటం ద్వారా ఆరోగ్యకరమైన హృదయాన్ని ప్రోత్సహించడంలో చాలా దూరం వెళ్ళవచ్చు. మీ నిర్దిష్ట ఆరోగ్య అవసరాలు, లక్ష్యాల ఆధారంగా వ్యక్తిగతీకరించిన ఆహార సిఫార్సుల కోసం అర్హత కలిగిన డైటీషియన్‌ను సంప్రదించడం అవసరం.
- షీలా కృష్ణస్వామి, న్యూట్రిషన్ అండ్ వెల్‌నెస్ కన్సల్టెంట్.
