బార్బీ 'ఐయామ్ జస్ట్ కెన్' పాటలో రాక్ బ్యాండ్ గిటారిస్ట్ స్లాష్
లెజెండరీ హార్డ్ రాక్ బ్యాండ్ గిటారిస్ట్ స్లాష్ బార్బీ సినిమా కోసం పనిచేస్తున్నాడు. లెజెండరీ హార్డ్ రాక్ బ్యాండ్ గిటారిస్ట్ స్లాష్ రాబోయే చిత్రం 'బార్బీ' కోసం నటుడు ర్యాన్ గోస్లింగ్ 'ఐయామ్ జస్ట్ కెన్' పాటలో కనిపించారు.
ఈ పాటలోకి ట్రాక్‌కి సహ-రచయిత అయిన మార్క్ రాన్సన్, సినిమా ప్రీమియర్‌లో గోస్లింగ్ అతని నటనకు ప్రశంసల వర్షం కురిపించాడు. ఇంకా స్లాష్ పనితీరు గురించి మాట్లాడుతూ, గిటారిస్ట్ పనితీరుపై కితాబిచ్చాడు. పాటను పంపించిన తర్వాత సూపర్ అని.. దీన్ని తాను ప్లే చేస్తానని ఒప్పుకున్నట్లు తెలిపాడు. తన గిటారుతో పాటను అదరగొట్టాడని.. చివరిలో స్లో, రిథమ్ పార్ట్‌లను ప్లే చేస్తాడని.. అది అద్భుతమని కొనియాడాడు.
ఇకపోతే.. 'ఐ యామ్ జస్ట్ కెన్' అనేది అధికారిక 'బార్బీ' సౌండ్‌ట్రాక్ నుండి విడుదలైన తాజా ఒరిజినల్ పాట, ఇందులో గ్రామీ విజేతలు దువా లిపా, బిల్లీ ఎలిష్ వంటి కళాకారులు కూడా ఉన్నారు. స్లాష్ తన బ్లూసీ, మెలోడిక్ రిథమ్‌లకు పెట్టింది పేరనే విషయం అందరికీ తెలిసిందే.
