ఒంటరితనం చాలా ప్రమాదకరం!!
ఒంటరితనం చాలా ప్రమాదకరమని నిపుణులు హెచ్చరిస్తున్నారు. ఇది ఒక్కోసారి మానసికంగా కుంగదీయడమే కాదు. మీ వ్యాధి నిరోధక శక్తిని కూడా బలహీనపరుస్తుందని తేలింది. అసలు ఒంటరితనంలోకి వెడుతున్నారంటేనే దానర్థం మీ శరీరంలో ఏవో అవాంఛనీయమైన మార్పులు చోటుచేసుకుంటున్నాని గ్రహించాలి. దాన్ని మీరు అలాగే కొనసాగిస్తే అది మీ మొత్తం వ్యాధి నిరోధక శక్తిని దెబ్బతీయడం, అంటే ఆరోగ్యాన్ని క్షీణింపజేయడం ఖాయమని ఆరోగ్యం నిపుణులు హెచ్చరించారు.
ఒంటరితనం ఫీలవడం ప్రారంభమయ్యేసరికి శరీరంలో అప్పటి వరకూ నిద్రాణంగా ఉన్న కొన్ని రకాల వైరస్‌లు విజృంభించడం ఆరంభిస్తాయి. కొన్ని అవాంఛనీ ప్రొటీన్లు శారీరకంగా, మానసికంగా ఒత్తిడిని కూడా తెస్తాయి. అందువల్ల కలుపుగోలుగానూ, అందరితోనూ కలివిడిగానూ ఉండడం ఆరోగ్యానికి మంచిదని ఒంటరితనంపై పరిశోధనలు జరిపిన అనేక వర్శిటీల పరిశోధకులు చెపుతున్నారు.
కలుపుగోరుగా ఉండేవారి కన్నా ఒంటరితనం ఫీలయ్యేవారిలో మానసిక ఒత్తిడి ఎక్కువగా ఉంటుందని తేలింది. వ్యాధి నిరోధక శక్తి తగ్గిపోతున్న కారణంగా ఒత్తిడి ప్రభావం మరింత ఎక్కువగా ఉంటుంది. ఒంటరితనం ఫీలయ్యేవారు సాధారణంగా అర్థాయుష్కులు అని ఆమె ఒక్క మాటలో చెప్పారు. చివరికి స్థూల కాయం ఉన్నవారు, బ్రెస్ట్ క్యాన్సర్‌తో అవస్థలు పడుతున్నవారిలో కూడా ఎక్కువ మంది ఒంటరితనం ఫీలవుతున్నవారేనని ఆమె తెలిపారు. అందువల్ల ప్రతి ఒక్కరితోనూ కలుపుగోలుగా, కలివిడిగా ఉండడంలోనే ఆరోగ్య రహస్యం దాగి ఉందని ఆమె తెలిపారు.
