బిగ్ బాస్-3: కంటెస్టెంట్‌గా గుత్తా జ్వాలా.. రేణూ దేశాయ్?
బ్యాడ్మింటన్ ఛాంపియన్ ప్లేయర్ హైదరాబాదీ అమ్మాయి గుత్తా జ్వాలా.. బిగ్ బాస్-3 బరిలోకి దిగనుంది. దేశం కోసం బ్యాడ్మింటన్ డబుల్స్ విభాగంలో అదరగొట్టిన ఈ ముద్దుగుమ్మ.. తాజాగా బిగ్ బాస్ మూడో సీజన్‌లో కంటెస్టెంట్‌గా వుంటుందని టాక్ వస్తోంది. ఇప్పటికే ఇందుకు తగిన పనులు జరుగుతున్నాయని.. త్వరలోనే బిగ్ బాస్-3కి సంబంధించిన షూటింగ్‌లో గుత్తా జ్వాల పాల్గొననుందని సమాచారం.
అయితే గుత్తా జ్వాల మాత్రం ఇవన్నీ వదంతులని చెప్తోంది. కానీ బిగ్ బాస్ మూడో సీజన్‌లో గుత్తా జ్వాలా పాల్గొనడం ఖాయమని సినీ జనం అంటున్నారు. దీనిపై త్వరలోనే క్లారిటీ వచ్చేస్తుందని సమాచారం. మరి అదే కనుక జరిగితే బిగ్ బాస్-3 హౌస్‌ సందడిగా వుంటుందని నెటిజన్లు అభిప్రాయం వ్యక్తం చేస్తున్నారు.
అంతేగాకుండా.. బిగ్ బాస్ మూడో సీజన్‌లో గుత్తా జ్వాలా, రేణూ దేశాయ్, హేమ చంద్ర, ఉదయ భాను, వరుణ్ సందేశ్, చైతన్య కృష్ణ, జబర్దస్త్ నరేష్, నాగ పద్మిని పాల్గొంటారని ఫిలిమ్ నగర్ వర్గాల్లో టాక్ వస్తోంది.
