విజయంతో ఒలింపిక్స్‌లో ఆట మొదలెట్టిన మేరీకోమ్
ఆరుసార్లు ప్రపంచ చాంపియన్ మెక్ మేరీ కోమ్ విజయంతో తన ఒలింపిక్స్ ఆటను మొదలుపెట్టారు. ఆదివారం జరిరగిన 51 కిలోల విభాగం మహిళల బాక్సింగ్‌లో అదరగొట్టింది. డొమినికన్ రిపబ్లిక్‌కు చెందిన హెర్నాండెజ్ గ్రేసియా మిగ్వెలినాను ఆమె.. 4-1 తేడాతో మట్టి కరిపించింది. ఒక్క రెండో రౌండ్ మినహా మిగతా అన్ని రౌండ్లలోనూ ఆధిపత్యం ప్రదర్శించి.. రౌండ్ ఆఫ్ 16ను గెలిచి ప్రి క్వార్టర్ ఫైనల్స్‌లోకి అడుగుపెట్టింది.
ఈ రౌండ్‌లో కొలంబియాకు చెందిన ప్రపంచ మూడో ర్యాంకర్ వాలెన్సియా విక్టోరియాను ఎదుర్కోనుంది. ఈ మ్యాచ్ జులై 29న జరగనుంది. లండన్ ఒలింపిక్స్‌లో కాంస్యం సాధించిన మేరీ కోమ్‌కు ఆ రౌండ్ సవాల్‌తో కూడుకున్నదే.
మరోవైపు, టేబుల్ టెన్నిస్‌లో మనికా బాత్రా ముందంజ వేసింది. మూడో రౌండ్‌లోకి దూసుకెళ్లింది. ఉక్రెయిన్‌కు చెందిన మార్గరీటా పెసోస్కాను 4-3 తేడాతో ఓడించింది. రెండు మ్యాచ్ పాయింట్లను చేజార్చుకున్నప్పటికీ.. పుంజుకున్న ఆమె విజయం సాధించింది.
